Srilanka East News

வைத்திய பற்றாக்குறையை போக்க கிழக்கு வைத்தியசாலைகளுக்கு 33 வைத்தியர்கள் நியமனம்

2011-01-21T00:50:00.002+02:00

கிழக்கு மாகாணத்தில் உள்ள வைத்தியசாலைகளில் எதிர்நோக்கியுள்ள வைத்தியர் பற்றாக்குறையினை கருத்தில்கொண்டு 33 வைத்தியர்களை நியமிக்க சுகாதார அமைச்சர் மைத்திரிபால சிறிசேன உடன்பட்டுள்ளதாக கிழக்கு மாகாண சுகாதார அமைச்சர் எம்.எஸ்.சுபைர் தெரிவித்தார்.
இன்று வியாழக்கிழமை கொழும்பு சுகாதார அமைச்சில் சுகாதார அமைச்சர் மைத்திரிபால சிறிசேனவுக்கும் கிழக்கு மாகாண சுகாதார அமைச்சர் எம்.எஸ்.சுபைருக்கும் இடையில் இடம்பெற்ற சந்திப்பிலேயே சுகாதார அமைச்சர் இந்த உறுதிமொழியை வழங்கியுள்ளதாகவும் எம்.எஸ்.சுபைர் தெரிவித்தார்.

இதனடிப்படையில் மட்டக்களப்பு மாவட்டத்துக்கு 13 வைத்தியர்களும் அம்பாறை மாவட்டத்துக்கு 15வைத்தியர்களும்,திருகோணமலை மாவட்டத்துக்கு 05 வைத்தியர்களும் நியமிக்க சுகாதார அமைச்சர் மைத்திரிபால சிறிசேன ஒப்புதல் அளித்துள்ளார்.

இதன்படி மட்டக்களப்பு மாவட்டத்தி மிகவும் கஸ்டத்தினை எதிர்நோக்கியுள்ள திதிதென்ன, காங்கேயனோடை, வாழைச்சேனை, காயங்கேணி, காத்தான்குடி, மண்டபத்தடி, மகிழவட்டவான், நாவற்காடு, பாளையடிவட்டை, உன்னிச்சை, மாங்கேணி, கதிரவெளி, காவத்தமுனை ஆகிய வைத்தியசாலைகளுக்கும் அம்பாறை மாவட்டத்தில் நாவிதன்வெளி, சம்மாந்துறை, ஒலுவில், நிந்தவூர், சொறிக்கல்முனை, திருக்கோவில், பொத்துவில், கல்முனை அஸ்ரப் வைத்தியசாலை, கல்முனை வடக்கு வைத்தியசாலை, அம்பாறை தொகுதியில் உள்ள நான்கு வைத்தியசாலைகளுக்கு வைத்தியர்கள் நியமனம் செய்யப்பட்டுள்ளதுடன் திருகோணமலை மாவட்டத்தின் மூதூர், கும்புறுப்பிட்டி, மணல்சேனை, கட்டைப்பறிச்சான், ஈச்சிலம்பற்று ஆகிய பகுதி வைத்தியசாலைக்கும் வைத்தியர்கள் நியமனம் செய்யப்பட்டுள்ளதாக கிழக்கு மாகாண சுகாதார அமைச்சர் எம்.எஸ்.சுபைர் தெரிவித்தார்.

இவர்கள் பெப்ரவரி முதலாம் திகதியில் இருந்து தமது கடமைகளை பொறுப்பேற்பார்கள் எனவும் அமைச்சர் மேலும் தெரிவித்தார்

மட்டக்களப்பு மாவட்டத்தில் சகல பகுதிகளும் வெள்ளக்காடு; உதவியின்றி மக்கள் தவிப்பு

2011-01-13T22:43:00.002+02:00

மட்டக்களப்பு மாவட்டத்தில் தொடர்ந்து பெய்யும் மழையாலும் பல குளங்கள் திறக்கப்பட்டதாலும் அனைத்துப் பகுதிகளும் வெள்ளக்காடாகவே காட்சியளிக்கிறது. பாதிக்கப்படாதோர் இல்லையெனுமளவுக்கு நிலைமை மோசமடைந்துள்ளது.

தொடரும் மழையால் இதுவரை வெள்ளத்தில் மூழ்காமல் தப்பியுள்ள கிராமங்களும் சில தினங்களில் வெள்ளத்தால் பாதிக்கப்படும் அபாய நிலை ஏற்பட்டுள்ளது.

நேற்றுக்காலையில் சற்று ஓய்ந்திருந்த மழை பகல் வேளையானதும் மீண்டும்

அதிகரித்ததன் காரணமாக வெள்ள நிலை மிக மோசமடைந்துள்ளது. மாவட்டத்திலுள்ள வில்லுக்குளம் உடைப்பெடுத்துள்ளது. இதன் காரணமாக இதனை அண்டிய பல கிராமங்கள் நீரில் முற்றாக மூழ்கியுள்ளதுடன், அந்தப் பகுதி மக்கள் நிர்க்கதியான நிலைக்குத் தள்ளப்பட்டுள்ளனர்.

படுவான்கரைப் பாதை போக்குவரத்துக்கு முற்றாகத் துண்டிக்கப்பட்டுள்ளதுடன் வெள்ளத்தில் மூழ்கியுள்ளது. இதன் காரணமாக 14 கிராமங்களுடனான தொடர்புகளும் துண்டிக்கப்பட்டுள்ளன.

படுவான்கரையில் வவுணதீவு பிரதேசமே இம் மாவட்டத்தில் மிகவும் மோசமாகப் பாதிக்கப்பட்டுள்ளது. இப்பகுதி ஏனைய பகுதிகளுடனான தரை வழித் தொடர்பை இழந்துள்ளது.

இடம்பெயர்ந்த மக்களுக்கு சமைத்த உணவையே வழங்க முடிகிறது. ஆனால், ஏனைய உணவுப் பொருட்களை வழங்க முடியாதிருப்பதாக அதிகாரிகள் தெரிவிக்கின்றனர். எனினும் பாதிக்கப்பட்ட பலருக்கும் உதவிப் பொருட்கள் கிட்டாததால் அவர்கள் பெரிதும் பாதிக்கப்பட்டுள்ளனர்.

வர்த்தக நிலையங்கள் மூடப்பட்டுள்ளதாலும் போக்குவரவு செய்ய முடியாதிருப்பதாலும் உணவுப் பொருட்களை வாங்கிவர முடியாத நிலை ஏற்பட்டுள்ளது.

இதனால் சிறுவர்கள், பிள்ளைகள் முதியோர்களுக்கு பால்மா, பிஸ்கற் போன்றவற்றைப் பெற்றுக்கொள்ள முடியவில்லை. இதனால் இவர்கள் பட்டினி நிலையை எதிர்நோக்குகின்றனர்.

இதயநோய், நீரிழிவு நோய் போன்றவற்றுக்கு கிளினிக் சிகிச்சை பெற்றுள்ளவர்கள் தமக்குரிய மருந்துகளைப் பெற முடியாமல் கஷ்டப்படுகின்றனர்.

அதேபோல நிறைமாதக் கர்ப்பிணிகள், குழந்தைகளைப் பிரசவித்தவர்களும் பெரிதும் பாதிக்கப்பட்டுள்ளனர். குறிப்பாக சுகாதாரத் துணிகள் இன்றி கஷ்டப்படுகின்றனர்.

படுவான்கரை, வெல்லாவெளி, பட்டிப்பளை, வவுணதீவு, ஏறாவூர், செங்கலடி, கிரான் பிரதேசங்களில் உள்ளவர்களே பெரிதும் கஷ்டப்படுகின்றனர்.

இதேவேளை கன்னங்குடாவில் கடும் குளிர் வெள்ளத்தால் மரணமான கந்தக்குட்டி என்பவரின் சடலம் மட்டக்களப்பு ஆஸ்பத்திரியில் செவ்வாய்க்கிழமை ஒப்படைக்கப்பட்டது. இறந்தவர்களை அடக்கம் செய்யவும் முடியாத நிலையில் மக்கள் உள்ளனர்.

வெள்ளத்தால் அனைத்துப் பகுதிகளிலும் தரைப் போக்குவரத்து பாதிக்கப்பட்டதால் படகுகள் மூலம் செஞ்சிலுவைச் சங்கத்தினரும் பொலிஸாரும் முப்படையினரும் மக்களுக்கு போக்குவரவுக்கு உதவுகின்றனர். மீட்புப் பணிகளும் படகுகள் மூலமே நடைபெறுகின்றன.

பாராளுமன்ற உறுப்பினர் வி.யோகேஸ்வரனும் முடிந்தவரை மக்களுக்கு உதவிகளை வழங்கி வருகிறார்.

இதுவரை மூன்று இலட்சத்துக்கும் அதிகமானவர்கள் இடம்பெயர்ந்துள்ளதாக அதிகாரிகள் தெரிவித்துள்ளனர். ஐந்தரை இலட்சத்துக்கும் மேற்பட்டோர் பாதிக்கப்பட்டுள்ளனர்.

Pictures - http://www.facebook.com/battipeople
News - Thinakural

அகதி முகாமுக்குள் நள்ளிரவில் வெள்ளம் ஆலையடிவேம்பில் மீண்டும் இடம்பெயர்வு தீவுக்காலையில் 200 குடும்பங்கள் படையினரால் மீட்பு

2011-01-13T22:30:00.002+02:00

ஆலையடிவேம்பு பகுதியில் வெள்ள அகதிகள் தங்கியிருந்த முகாமினுள் செவ்வாய்க் கிழமை இரவு திடீரென வெள்ளம் புகுந்ததால் அந்த முகாமில் தங்கியிருந்த 150 அகதிகள் பல்வேறு சிரமங்களுடன் இடம்பெயர்ந்து வேறு இடங்களுக்குச் சென்றுள்ளனர்.

இங்குள்ள பலசேவைக் கட்டிடத்தில் இந்த மக்கள் கடந்த சில தினங்களாகத் தங்கியிருந்தனர்.

இதேவேளை கோளாவில்1, கோளாவில் 2, பனங்காடு, தீவுக்காலை, நாவற்காடு ஆகிய கிராமங்கள் செவ்வாய்க்கிழமை இரவு பெய்த மழையால் வெள்ளத்தில் மூழ்கியுள்ளன.

தீவுக்காளை கிராமம் முற்றாக வெள்ளத்தில் மூழ்கியதால் அங்கிருந்த 200 குடும்பங்களைச் சேர்ந்தவர்களை பொலிஸாரும் படையினரும் படகுகள் மூலம் மீட்டனர்.

இதேவேளை திருக்கோவில், தம்பிலுவில், விநாயகபுரம், பாலக்குடா போன்ற கிராமங்களும் வெள்ளத்தால் பாதிக்கப்பட்டுள்ளன.

சாகாமம் குளம் திறந்து விடப்பட்டதாலேயே இக்கிராமங்கள் வெள்ளத்தில் மூழ்கியுள்ளன. இந்த மக்கள் நலன்புரி நிலையங்களில் தங்க வைக்கப்பட்டுள்ளனர்.

இதேவேளை நாவிதன்வெளி பிரதேசத்துக்கும் வெளியிடங்களுக்குமான போக்குவரவு துண்டிக்கப்பட்டதால் அங்குள்ள 5 ஆயிரத்துக்கும் மேற்பட்ட குடும்பங்கள் பாதிக்கப்பட்டுள்ளனர்.

இவர்களுக்கு ஒருவார காலமாக ஒரு நேரச் சாப்பாடே வழங்கப்பட்டுள்ளதாக தெரிவிக்கப்படுகிறது.

திருக்கோவில் விநாயகபுரத்தில் 15 வயது மாணவன் காணாமல் போயுள்ளார்

2011-01-13T22:27:00.001+02:00

அம்பாறை, திருக்கோவில், வினாயகபுரத்தைச் சேர்ந்த 15 வயது பாடசாலை மாணவன் ஒருவர் கடந்த 2ம் திகதி மாலை முதல் காணாமல் போயுள்ளதாக உறவினர் திருக்கோவில் பொலிஸ் நிலையத்தில் முறைப்பாடு செய்துள்ளனர்.
தம்பிலுவில் மத்தியமகா வித்தியாலயத்தில் பயிலும் வினாயகபுரம் காயத்திரி கிராமத்தைச் சேர்ந்த மாணவன் கடந்த 2ம் திகதி மாரை 3.30 மணிக்கு பாடசாலையை துப்பரவு செய்ய என வீட்டைவிட்டு சென்றவர் வீடு திரும்பாததையடுத்து 4ம் திகதி பொலிஸ் நிலையத்தில் முறைப்பாடு செய்துள்ளதாக பொலிஸார் தெரிவித்தனர்.

இவ்வாறு காணமல் போன மாணவன் தொடர்பான தகவல் தெரிந்தோர் அருகிலுள்ள பொலிஸ் நிலையத்தில் தெரியப்படுத்துமாறு பொலிசார் தெரிவித்ததுடன் மேலதிக விசாரணைகளை திருக்கோவில் பொலிஸார் மேற்கொண்டு வருகின்றனர்

மட்டக்களப்பில் வெள்ளம் காரணமாக 5500 வீடுகள் சேதம்

2011-01-13T22:23:00.000+02:00

மட்டக்களப்பு மாவட்டத்தில் ஏற்பட்டுள்ள பெருவெள்ளம் காரணமாக 5500 வீடுகள் சேதமடைந்துள்ளன. இதில் 14 பிரதேச செயலகப் பிரிவுகளிலும் 1220 வீடுகள் முற்றாக சேதமடைந்துள்ளடன், 3452 வீடுகள் பகுதியளவில் சேதமடைந்துள்ளதாக மாவட்ட திட்டமிடல் பணிப்பாளர் இரா.நெடுஞ்செழியன் தெரிவித்தார். அதிகளவில் வாழைச்சேனை மத்திய செயலகப்பிரிவில் 512 வீடுகள் முற்றாக அழிந்துள்ளதுடன், 253 வீடுகள் பகுதியளவில் சேதமடைந்துள்ளன.

இதேசமயம் காலநிலையில் எந்த விதமான முன்னேற்றமும் இன்றி தொடர்ச்சியான மழை பெய்து வருவதுடன் மேலும் சில நாட்களுக்கு இதே காலநிலை நிலவும் எனவும் வாநிலை அவதான நிலையம் அறிவித்துள்ளது.

மட்டக்களப்பு மாவட்டத்தில் வருடாந்த மழைவீழ்ச்சியில் கடந்த 11 நாட்களில் மாத்திரம் 898.4 மில்லி மீட்டர் மழைவீழ்ச்சி பதிவாகியுள்ளதாக மட்டக்களப்பு வானிலை அவதான நிலையம் அறிவித்துள்ளது. மாவட்டத்தின் வருடாந்த மழைவீழ்ச்சி 1600 மில்லிமீட்டராகும்.

கிழக்கு மாகாணத்தில் தொடர்ந்து இன்றும் மழை பெய்துள்ள நிலையில் இழப்புக்கள் மேலும் அதிகரித்துள்ளதாக இலங்கை அனர்த்த முகாமைத்துவ நிலையம் குறிப்பிட்டுள்ளது. அத்துடன், தற்பொழுது பெய்துவரும் மழைகாரணமாக நாடுமுழுவதிலும் இதுவரையில் பத்து லட்சம் பேர் பாதிக்கப்பட்டுள்ளதாகவும் 18 பேர் பலியாகியுள்ளதாகவும், சுமார் 14 பேர் காணாமல் போயுள்ளதாகவும் அனர்த்த முகாமைத்துவ நிலையம் அறிவித்துள்ளது

கடலுக்குச் சென்ற மீனவர்கள் 10 பேரைக் காணவில்லை _

2011-01-13T22:21:00.000+02:00

அம்பாறை மாவட்டம் பொத்துவில் பிரதேசத்திலிருந்து செவ்வாய் இரவு கடலுக்குச் சென்ற மீனவர்கள் 10 பேர் நேற்று புதன்கிழமை நண்பகல் வரை கரை திரும்பவில்லை.

இவர்களைத் தேடும் பணிகள் ஆரம்பிக்கப்பட்டுள்ளதாக பொத்துவில் பிரதேச சபையின் முன்னாள் தவிசாளர் எம்.எஸ்.எம்ம் மர்சூக் தெரிவித்தார்.

செவ்வாய் இரவு கடலுக்குச் சென்ற மீனவர்கள், புதன் காலை கரை திரும்பியிருக்க வேண்டும்.

4 படகுகளில் சென்ற மீனவர்கள் கரை திரும்பாததினால் இவர்கள் காணாமல் போயிருக்கலாம என சந்தேகிக்கப்படுகின்றது.

இச்சம்பவம் குறித்து பொத்துவில் பொலிஸ் நிலையத்தில் முறையீடு செய்யப்பட்டுள்ளதுடன் தேடுதல் நடவடிக்கைகளுக்கு விசேட அதிரடிப்படை மற்றும் விமானப்படையினரின் ஒத்துழைப்பும் பெறப்பட்டுள்ளதாகவும் தெரிவிக்கப்படுகின்றது

அம்பாறையில் பெய்யும் அடைமழையினால் பல பாடசாலைகள் மூடப்பட்டன

2011-01-10T22:15:00.000+02:00

மாவடிப்பள்ளி நிருபர் : தற்பொழுது அம்பாறை மாவட்டத்தில் பெய்து வரும் அடைமழையினால் சம்மாந்துறை வலயக் கல்வி அலுவலகப் பிரிவுக்குட்பட்ட நாவிதன்வெளி கோட்ட பாடசாலைகளில் கற்றல், கற்பித்தல் செயற்பாடுகளில் ஆசிரியர்களும் மாணவர்களும் ஈடுபட முடியõமையினால் நேற்று வியாழக்கிழமை இன்று வெள்ளிக்கிழமைகளில் பாடசாலைகளை மூடுவதற்கான அனுமதியினை சம்மாந்துறை வலயக் கல்விப் பணிப்பாளர் எழுத்து மூலம் அறிவித்துள்ளார்.

மூடப்படும் பாடசாலைகளின் விபரம் வருமாறு: சம்மாந்துறை வீரத்திடல் அல் ஹிதாயா மகா வித்தியாலயம், சாளம்பைக்கேணி, ச/து வேப்பையடி வாணி வித்தியாலயம் மத்திய முகாம், சாய்ந்தமருது றாணமடு இந்துமகா வித்தியாலயம் மத்திய முகாம், அஸ்சிறாஜ் மகாவித்தியாலயம் மத்திய முகாம், ச/து விவேகானந்தா மகா வித்தியாலயம் நாவிதன்வெளி, நாவிதன்வெளி அன்னமலை மகா வித்தியாலயம், விநாயகர் வித்தியாலயம் சவளக்கடை, கணேஷா வித்தியாலயம் சவளக்கடை ஆகிய எட்டு பாடசாலைகளும் மூடப்படவுள்ளதாக வலயக் கல்விப் பணிப்பாளர் எம்.கே.எம்.மன்சூர் தெரிவித்துள்ளார்.

பாடசாலை மூடப்படும் தினங்களுக்கான பதில் பாடசாலை வேறு தினங்களில் நடைபெறும் எனவும் இரு தினங்கள் மூடுவதற்காக எடுக்கப்பட்ட தீர்மானம் நிலைமை மேலும் மோசமடையும் சந்தர்ப்பத்தில் உயர்வடையும் எனவும் தெரிவித்தார்.

இவ்விடயம் தொடர்பாக கிழக்கு மாகாணக் கல்விப்பணிப்பாளருக்கு பிரதியிடப்பட்டிருப்பதாகவும் தெரிவித்தார்.

வெள்ளத்தில் மட்டக்களப்பு மாவட்டத்தின் 75 வீதமான பிரதேசம் தண்ணியில் 5இலட்சம் பேர் பாதிப்பு

2011-01-09T23:31:00.000+02:00

மட்டக்களப்பு மாவட்டத்தில் பெய்த கடும் மழைகாரணமாக ஏற்பட்ட பெரு வெள்ளத்தினால் மாவட்டத்தின் 75 வீதமான பிரதேசம் முழுமையாகப் பாதிக்கப்பட்டுள்ளது.

இதில் 5லட்சம் பேர்வரை பாதிக்கப்பட்டுள்ளனர். இடம்பெயர்ந்த 7927 குடும்பங்களைச் சேரந்த 31112 பேர் 103 முகாம்களில் தங்கவைக்கப்பட்டுள்ளனர்.

மாவட்டத்தின் 14 பிரதேச செயலாளர் பிரிவுளிலும் பெருமளவான மக்கள் பாதிக்கப்பட்டுள்ளதுடன் பெருந்தொகையான மக்கள இடம்பெயர்ந்து பொது இடங்களிலும் வீடுகளிலும் அமைக்கப்பட்டுள்ள முகாம்களில் தங்கியுள்ளனர். இவர்களுக்கான சமைத்த உணவுகளை வழங்கும் நடவடிக்கைகளில் கிராம சேவையாளர்களும் பொது அமைப்புகளும் செய்து வருகின்றன.

நேற்றுக்காலை முதல் இன்று காலை வரை 312 மில்லி மீட்டர் மழை வீழ்ச்சி பதிவாகியுள்ளதாகவும் மேலும் தொடர்ந்து சில தினங்களுக்கு மழை பெய்யக் கூடும் என்றும் வாநிலை அவதான நிலையம் அறிவித்தள்ளது.கடந்த காலத்தில் இலங்கையில் மிக கூடியளவு மழை வீழ்ச்சி இதுவெனவும் வானிலை அவதான நிலையம் தெரிவித்தது.

தொடர்ந்தும் மழை பெய்து வருவதனர்லும் வெள்ளம் வீதிகளினை மூடியுள்ளதாலும் பிரNதுச செயலாளர்கள் அதிகாரிகள் கூட சில பிரதேசங்களுக்குச் செல்ல முடியாத நிலை ஏற்பட்டதுடன் பல பிரதேசங்களிலிருந்து வெளியில் வர முடியாத நிலையும் ஏற்பட்டுள்ளது.

மட்டக்களப்பு மாவட்டத்தின் கிழக்குப்பிரதேசத்திலிருந்து அங்கு ஏற்பட்ட பாதிப்புக்கள் குறித்த தகவல்கள் கிடைத்த போதும் ஏனைய பகுதிகளிலிருந்து விபரங்கள் கிடைக்கப் பெறுவதில் சிக்கல் உள்ளதாக மாவட்ட செலகம் தெரிவித்தது.குறிப்பாக படுவான்கரையின் பல பகுதிகள் நீரில் மூழ்கியுள்ளதன் காரணமாக அப்பகுதியுடன் தொடர்புகள் துண்டிக்கப்பட்டுள்ள நிலையில் விபரங்களை பெற்றுக்கொள்வதில் பெரும் சிரமம் எதிர்நோக்கப்படுவதாக தெரிவிக்கப்பட்டுள்ளது.

வீதிகள் பிரதேசங்களில் உடைந்துள்ளதால் போக்குவரத்து பாதிக்கப்பட்டுள்ளது. உன்னிச்சைக் குளத்தின் 3 வான் கதவுகளும் திறந்துவிடப்பட்:டுள்ள போதும் அணைக்கட்டின் மேலாக 3 அடிக்கு மேல் நீர் பாய்வதாக பொறியியலாளர்கள் தெரிவித்தனர்.

அதேவேளை நவகிரி குளத்தின் கதவுகள் யாவும் திறந்து விடப்பட்டுள்ன. அப்பிரதேசத்துக்குச் செல்ல முடியாதளவுக்கு பிரதேசம் நீரால் மூடப்பட்டுள்ளதாகவும் பொறியியலாளர்கள் தெரிவித்தனர். அதே போன்று உறுகாமம் குளத்தின் நீர் மட்டமும் மேலதிகமாகியுள்ளது.

வீதிகளில் மட்டக்களப்பு- கல்முனை பிரதான நெடுஞ்சாலையில் குருக்கள்மடத்தில் அதிவேக நெடுஞ்சாலையில் உடைவு ஏற்பட்டதால் நேற்று பிற்பகல் வரை போக்குவரத்துத் தடைப்பட்டிருந்தது. பின்னர் அவ்வீதி தற்காலிகமாக வீதிப் போக்குவரத்துத் திணைக்களத்தினால் திருத்தப்பட்டது.

அதேவேளை படுவான்கரைக்கான பட்டிருப்பு வீதி ஓந்தாச்சிமடம் - மகிழுர் வீதி அம்பிளாந்துறை - குருக்கள் மடம் வீதி என்பன பாதிக்கப்பட்டுள்ளது.

அத்துடன் வவுணதீவு பிரதேச செயலகப்பிரிவுக்குட்பட்ட வலையறவு பாலம் நீரில் மூழ்கியுள்ளதனால் வவுணதீவு- மணல்பிட்டி வீதி ஆயித்தியமலை- கரடியனாறு வீதி வவுணதீவு- கரவெட்டி வீதி வவுணதீவு மணல்பிட்டிவீதி பன்சேனை பிரதேசங்களுக்கான வீதிகள் நீரில் மூழ்கியுள்ளதனால் போக்குவரத்து முற்றாகப் பாதிக்கப்பட்டுள்ளது. முக்கியமாக படுவான்கரை பிரதேசத்துக்கான அனைத்து பாதைகளும் தடைப்பட்டுள்ளன.

இதே வேளை வாழைச்சேனைப்பிரதேச செயலகப்பிரிவக்குட்பட்ட மயிலங்கரச்சி நாசிவந்தீவு வீதி நீரில் மூழ்கியுள்ளதனால் அக்கிராமத்துக்கான போக்குவரத்து முற்றாகப் பாதிகக்ப்பட்டுள்ளதுடன் கிராம மக்கள் இன்று பகல் வரை உணவுகள் எதுவும் வினியோகிக்கப்படாத நிலையில் இருந்தனர்.

மதுறு ஓயா குளம் திந்து விடப்பட்டுள்ளதனால் கிரான் பிரதேச செயலகப்பிரிவில் கிரான் உட்பட பல பிரதேசங்களில் பெருந்தொகையான மக்கள் இடம்பெயர்ந்தனர். அவர்கள் பாடசாலைகளில் தங்கவைக்கப்பட:டுள்ளனர். அதே வேளை கிரான் பாலம் ஊடாக நீர் அதிகளவில் பாய்வதால் அவ்வீதியு}டான போக்குவரத்தும் முற்றாகப் பாதிகக்பட்டுள்ளதுடன் பிரதேசத்தின் மக்களும் பாதிக்கப்பட்டுள்ளனர்.

வாகரைப்பிரதேசத்தின் தோணிதாட்டமடு கிரிமிச்சை மதுரங்கேணிக்குளம் பனிச்சங்கேணி உள்ளிட்ட பகுதிகளுடன் பெரும்பாலான பகுதிகள் நீதில் மூழ்கியுள்ளதுடன் போக்குவரத்துக்களும் துண்டிக்கப்பட:டுள்ளன. அதனால் பனிச்சங்கேணி ஆற்றின் ஊடாக போக்குவரத்தக்கு இயந்திரப்படகுகள் பயன்படுத்தப்படுகின்றன.

தொப்பிக்கல ஈரளக்குளம் முறத்தானை சித்தாண்டி சந்திவெளி களுவனகேணி பிரம்படித்தீவு பொண்டுகள்சேனை முறாவொடை வாழைச்சேனை கல்மடு கல்குடா கும்புறுமூலை வெம்பு சுங்காங்கேணி கிண்ணையடி உள்ளிட்ட பிரதேசங்கள் முழுதாக நீரில் மூழ்கியுள்ளன.

பிரதேசங்களில் பாதிக்கப்பட்டு முகாம்களில் தங்கியுள்ள மக்கள் அனைவருக்கும் சமைத்த உணவுகள் வழங்குவதற்கு நடவடிக்கைகள் எடுக்கப்பட:டுள்ளதாக மாவட்ட செயலகத்தில் நடைபெற்ற அனர்த்த நிவாரண அவசரக் கூட்டத்தில் முடிவு செய்யப்பட்டதுடன். பிரதேச செயலாளர்களுக்கும் பணிப்புரைகளும் விடுக்கப்பட்டுள்ளன.

சமைத்த உணவு வழங்குவதில் முகாம்களில் மக்கள் தங்கியுள்ள இடங்களனில் சமைப்பதற்குக் கூட இடம் இல்லாத நிலையினால் வேறு இடங்களில் உணவுகள் சமைக்கப்பட்டு வருகின்றன.

அரசாங்க அதிபரின் பணிப்புரையின் கீழ் மிக விரைவாக சமைக்கக் கூடிய உணவுகள் வழங்குவதற்கான நடவடிக்கைகள் இதனால் மேற்கொள்ளப்பட்டுள்ளதாக மேலதி அரசாங்க அதிபர் கே.விமலநாதன் nதிவித்தார்.

ஒரு காராமத்iதைச் சென்று பார்த்து மறுகிராமத்தக்குக் செல்லமுடியாதளவுக்கு நீரில் மூழ்கியுள்ள சில கிராமங்கள் உள்ளதாகவும் அவற்றிலிருந்து மக்களை வெளியேற்றுவதற்கு நடவடிக்கைகள் மேற்கொள்ளப்பட்டதாகவும் மேலதிக அரசாங்க அதிபர் தெரிவித்தார்.

களுவாஞ்சிகுடி கொக்கட்டிச்சோலை வந்தாறுமூலை சித்தாணடி செங்கலடி ஐயங்கேணி முறக்கொட்டாஞ்சேனை பலாச்சோலை உள்ளிட்ட பிரNதுசங்களில் அதிகமான தமக்கள் இடம்பெயர்ந்துள்ளனர்.

வெள்ளம் ஏற்பட்டுள்ள பகுதிகளில் அதிகமான மக்கள் இடம்பெயர்ந்துள்ளதனால் அப்பிரதேசங்களில் குடிநீர்த்தட்டுப்பாடு ஏற்படும் எனவே குடிநீர்வினியோகம் செய்வதற்கும் நடவடிக்கை மேற்கொள்ளுமாறு உத்தரவிடப்பட்டுள்ளதுடன் நோய் பரவம் அபாயம் உள்ளதனால் நோய்த்தடுப:பு முன்னெச்சரிக்கை வேலைகளில் ஈடுபடுமாறும் அதிகாரிகளுக்கு உத்தரவிடப்பட்டது.

இன்று மாலை மாவட்ட செயலகத்தில் நடைபெற்ற அனர்த்த நிவாரண அவசரக் கூட்டத்தில் பிரதி அமைச்சர்களான வி.முரளிதரன் ஹிஸ்புல்லா கிழக்கு மாகாண முதலமைச்சர் சி.சந்திரசகாந்தன். ஆகியோர் கலந்து கொண்டனர். அத்துடன் பாராளுமன்ற உறுப்பினர்களான பொன் செல்வராசா யோகேஸ்வரன் ஆகியோருடன் மாகாண சபை உறுப்பினர் எட்வின் கிருஸ்ணானந்தராசா ஆகியோரும் கலந்து கொண்டனர்.

மட்டக்களப்பு நகரின் பல பகுதிகளும் நேற்றைய வெள்ளத்தில் மூழ்கியிருந்தன. அதனால் போக்குவரத்துக்கள் பாதிக்கப்பட்டதுடன் வர்த்க நிலையங்களும் மூடப்பட்டு இருந்தன.

நேற்று ஏற்பட்ட பெரு வெள்ளம் காரணமாக மாவட்டத்தின் அனைத்துப் பகுதிகளும் ஸ்தம்பிதமடைந்திருந்தமை குறிப்பிடத்தக்கது

கிழக்கில் தொடர்ந்து மழை பல பிரதேசங்கள் வெள்ளத்தில் மூழ்கியுள்ளன

2011-01-09T06:48:00.000+02:00

கிழக்கில் நேற்று மாலை தொடக்கம் பெய்துவரும் கடும் மழையினால் பல பிரதேசங்கள் வெள்ளத்தில் மூழ்கியுள்ளன. மூன்று அடிக்கும் மேல் வெள்ளம் தேங்கியிருப்பதனால் பல பாதைகளின் போக்குவரத்தும் துண்டிக்கப்பட்டிருக்கின்றன. இதனால் பல ஆயிரம் மக்கள் நேரடியாக பாதிப்புக்குள்ளாகியிருக்கின்றனர்.

வேற்றுச்சேனை, ஆனைகட்டியவழி, நாதனவெளி, ராணமடு போன்ற பிரதேசங்களின் மக்கள் நேரடியாக பாதிப்புக்குள்ளாகியிருப்பதாக பிரதேச செயலாளர் உதயசிறிதர் தெரிவிக்கிறார்.

பலத்த காற்றுடன் பெருமழை பெய்துவருவதால் வெள்ளாவளிக்குளம், கோவில்போரதீவு குளம், பழுகாமமம்குளம், தும்பங்கேணி குளம் கடுக்காமுனை வில்லுக்குளம் ஆகிய குளங்களின் நீர்மட்டம் உயர்ந்து வெள்ளப்பெருக்கும் ஏற்பட்டிருக்கிறது. மினிசூறாவளி போன்ற பலத்த காற்றும் வீசி வருவதால் மீட்பு பணிகளிலும் பாரிய பின்னடைவு ஏற்பட்டிருப்பதாகவும் பிரதேச செயலர் மேலும் தெரிவிக்கிறார். இருந்தபோதிலும் அவரது தலைமையில் பாதிக்கப்பட்ட மக்களுக்கு சமைத்த உணவுகளை வழங்கும் நடவடிக்கையும் மீட்பு பணிகளும் நடைபெற்று வருகின்றன.

இதேவேளை மினிசூறாவளி போன்ற பலத்த காற்றுடன் மழை தொடர்ந்து பெய்துவருவதால் சில குளங்கள் உடைப்பெடுக்கும் அபாயம் ஏற்பட்டிப்பதாகவும், குளங்களை அண்டிய மக்கள் பாதுகாப்பாக இருக்குமாறும் அறிவுறுத்தப்பட்டிருக்கின்றனர்

அம்பாறை மாவட்டத்தில் கடும்மழை 15 ஆயிரம் குடும்பங்கள் வரை பாதிப்பு

2011-01-07T04:38:00.000+02:00

அம்பாறை மாவட்டத்தில் கடந்த சில தினங்களாக பெய்துவரும் கடும்மழை காரணமாக கரையோர மாவட்ட தாழ்ந்த பிரதேசங்கள் வெள்ளத்தில் மூழ்கியுள்ளதுடன் 15 ஆயிரம் குடும்பங்கள் வரையும் பாதிக்கப்பட்டுள்ளன.

இவ்வெள்ளம் காரணமாக கல்முனை பிரதேசத்தில் 5500 குடும்பங்களும் சாய்ந்தமருதில் 4850 குடும்பங்களும் காரைதீவில் 600 குடும்பங்களும் சம்மாந்துறையில் 1350 குடும்பங்களும் ஏனைய பகுதிகளில் மூவாயிரத்துக்கு மேற்பட்டோரும் வெள்ளநீர் வீடுகளுக்குள் புகுந்துள்ளதால் பாதிக்கப்பட்டுள்ளனர்.

இதேவேளை,கல்முனை நாவிதன்வெளி போக்குவரத்துப் பாதையான கிட்டங்கி பாலம் வெள்ளம் காரணமாக உடைப்பெடுத்துள்ளதுடன், போக்குவரத்தும் பாதிக்கப்பட்டுள்ளது. இக்கிட்டங்கி பால நிர்மாண வேலைகளும் இடைநடுவில் கைவிடப்பட்டுள்ளன.

அத்துடன், துறைநீலாவணை திரவந்தியமேடு கிராமத்திற்கான போக்குவரத்தும் வெள்ளம் காரணமாகத் துண்டிக்கப்பட்டுள்ளது.

தொடர்ந்து அம்பாறை மாவட்டத்தில் கடும் மழை பெய்து வருவதுடன், காலநிலை மாற்றம் காரணமாகக் கடலும் கொந்தளிப்பாயுள்ளது. மீனவர்கள் கடலுக்குச் செல்வதைத் தவிர்த்து வருகின்றனர். இதனால் இப்பிரதேசத்தில் மீனுக்குத் தட்டுப்பாடும் நிலவுகின்றது.

அம்பாறை மாவட்டத்தில் அட்டாளைச்சேனை,அக்கரைப்பற்று,ஆலையடிவேம்பு, நிந்தவூர்,நாவிதன்வெளி, சம்மாந்துறை,காரைதீவு,கல்முனை, பாண்டிருப்பு ஆகிய இடங்கள் மிக மோசமாகப் பாதிக்கப்பட்டுள்ளன.

நகரப்பகுதிகள் மக்கள் நடமாட்டமின்றிக் காணப்படுவதுடன், உள்ளூர் பஸ் சேவைகளும் தடைப்பட்டுள்ளன

மட்டக்களப்பு, அம்பாறையில் திங்களிரவு முதல் கடும் மழை பாதிக்கப்பட்ட பகுதிகள் மீண்டும் வெள்ளத்தில் மூழ்கின மக்கள் பெரிதும் பாதிப்பு

2011-01-07T04:35:00.001+02:00

. : மட்டக்களப்பு மற்றும் அம்பாறை மாவட்டங்களில் கடந்த ஓரிரு தினங்களாக ஓய்ந்திருந்த கடும் மழை மீண்டும் நேற்று முன்தினம் திங்கட்கிழமை இரவு முதல் பெய்து வருவதால் இரு மாவட்டங்களதும் பல பகுதிகள் மீண்டும் வெள்ளத்தில் மூழ்கி வருவதுடன் இயல்பு நிலையும் பெரிதும் பாதிக்கப்பட்டுள்ளது.

கடந்த பத்து நாட்களுக்கும் மேலாக ஓரிரு நாள் இடைவெளியில் அடை மழை தொடர்வதால் இரு மாவட்டங்களிலும் பல்லாயிரக்கணக்கானோர் பாதிக்கப்பட்டுள்ளனர்.

ஏற்கனவே பெய்த அடை மழையால் இரு மாவட்டங்களிலும் பாரிய வெள்ளப் பெருக்கேற்பட்ட நிலையில் தற்போது பெய்து வரும் கடும் மழையால் பெரும்பாலான பகுதிகள் வெள்ளத்தில் மூழ்கி போக்குவரத்துகளும் பாதிக்கப்பட்டு இயல்பு நிலையும் பாதிக்கப்பட்டுள்ளது.

இந்நிலையில் நேற்று முன்தினம் முதல் பெய்துவரும் கடும் மழையால் 14 பிரதேச செயலாளர்கள் பிரிவுகளும் மீண்டும் முழுமையாகப் பாதிப்புக்குள்ளாகியுள்ளன.

இதனால் மக்கள் மீண்டும் முகாம்களை நாட வேண்டிய துர்ப்பாக்கிய நிலை ஏற்பட்டுள்ளதாக மாவட்ட மக்கள் தெரிவிக்கின்றனர்.

தொடர்ந்தும் மழை பெய்யக்கூடிய சாத்தியக்கூறுகளே காணப்படுவதாக வானிலை அவதானநிலையம் தெரிவித்துள்ளதால் மாவட்ட மக்கள் பல்வேறு அசௌகரியங்களையும் அவலங்களையும் எதிர்நோக்குகின்றனர்.

அம்பாறை மாவட்டத்தில் கடந்த சில நாட்களாகப் பெய்துவரும் மழையால் ஏற்பட்ட வெள்ளத்தினால் பாதிக்கப்பட்ட மக்களில் இதுவரை எவ்வித நிவாரணங்களும் அரசாங்கத்தினால் வழங்கப்படவில்லையென பாதிக்கப்பட்டுள்ள மக்கள் விசனம் தெரிவிக்கின்றனர்.

இது குறித்து இப்பிரதேச அமைச்சர்கள் மற்றும் அரசியல்வாதிகள் தலையிட்டு நிவாரணத்தை உடனடியாகப் பெற்றுக்கொடுக்க நடவடிக்கை எடுக்க வேண்டுமெனவும் வேண்டுகோள் விடுத்துள்ளனர்.

கிழக்கு மாகாணத்தில் தொடர்ந்து பெய்துவரும் கடும் மழையினால் தொற்றுநோய் ஏற்படும் ஆபத்து ஏற்பட்டுள்ளதாகக் கிழக்கு மாகாண சுகாதாரத்துறையினர் எச்சரித்துள்ளனர்.

இதனால் கொதித்தாறிய நீரைக் குடிப்பதற்கு பயன்படுத்துமாறும் முடியுமானவரை வீட்டிலேயே சமைத்து உண்ணுமாறும் வேண்டுகோள் விடுத்துள்ளனர்.

பல்வேறுபட்ட காரணிகள் தொற்று நோய்களுக்குக் காரணமாக உள்ளதாகவும் இதில் குடிநீரும் உணவுவகைகளும் பாரிய தாக்கங்களை ஏற்படுத்துவதாகவும் குறிப்பிட்டுள்ள சுகாதாரத்துறையினர் வெள்ளத்தினால் இடம்பெயர்ந்து தற்காலிக முகாம்களில் வாழும் பொதுமக்கள் இது தொடர்பாக மிகவும் அவதானத்துடன் இருக்குமாறும் அறிவுறுத்தியுள்ளனர்

மட்டு., அம்பாறையில் மீண்டும் திங்கள் இரவு முதல் கடும் மழை

2011-01-05T04:17:00.001+02:00

மட்டக்களப்பு மற்றும் அம்பாறை மாவட்டங்களில் கடந்த ஓரிரு தினங்களாக ஓய்ந்திருந்த கடும் மழை மீண்டும் நேற்று முன்தினம் திங்கட்கிழமை இரவு முதல் பெய்து வருவதால் இரு மாவட்டங்களதும் பல பகுதிகள் மீண்டும் வெள்ளத்தில் மூழ்கி வருவதுடன் இயல்பு நிலையும் பெரிதும் பாதிக்கப்பட்டுள்ளது. கடந்த பத்து நாட்களுக்கும் மேலாக ஓரிரு நாள் இடைவெளியில் அடை மழை தொடர்வதால் இரு மாவட்டங்களிலும் பல்லாயிரக்கணக்கானோர் பாதிக்கப்பட்டுள்ளனர்.

மட்டக்களப்பில் ஆயிரக்கணக்கானோர் இடம்பெயர்ந்து முகாம்களில் தங்கியிருந்து மழை சற்று ஓய்ந்து வெள்ளம் வடியத் தொடங்கியதால் இருப்பிடங்களுக்கு திரும்பத் தொடங்கிய நிலையில் மீண்டும் கடும் மழை பெய்து வருவதால் முகாம்களுக்கு மீண்டும் திரும்ப வேண்டிய நிலைமையேற்பட்டுள்ளது.ஏற்கனவே பெய்த அடை மழையால் இரு மாவட்டங்களிலும் பாரிய வெள்ளப் பெருக்கேற்பட்ட நிலையில் தற்போது பெய்து வரும் கடும் மழையால் பெரும்பாலான பகுதிகள் வெள்ளத்தில் மூழ்கி போக்குவரத்துகளும் பாதிக்கப்பட்டு இயல்பு நிலையும் பாதிக்கப்பட்டுள்ளது.

மட்டக்களப்பு மாவட்டத்தில் பெய்த பெருமழை காரணமாக ஏற்கனவே 3 இலட்சத்திற்கும் மேற்பட்டோர் பாதிக்கப்பட்ட நிலையில் கடந்த 3 ஆம் திகதி முதல் 60 க்கும் மேற்பட்ட முகாம்களிலிருந்து மக்கள் தமது இருப்பிடங்களுக்குச் சென்றனர். 70 வீதமானவர் திரும்பி தத்தமது வீடுகளுக்குச் சென்றதால் 60 ஆக இருந்த முகாம்கள் 10 ஆகக் குறைந்ததுஇந்நிலையில் நேற்று முன்தினம் முதல் பெய்துவரும் கடும் மழையால் 14 பிரதேச செயலாளர்கள் பிரிவுகளும் மீண்டும் முழுமையாகப் பாதிப்புக்குள்ளாகியுள்ளன.

இதனால் மக்கள் மீண்டும் முகாம்களை நாட வேண்டிய துர்ப்பாக்கிய நிலை ஏற்பட்டுள்ளதாக மாவட்ட மக்கள் தெரிவிக்கின்றனர்.தொடர்ந்தும் மழை பெய்யக்கூடிய சாத்தியக்கூறுகளே காணப்படுவதாக வானிலை அவதானநிலையம் தெரிவித்துள்ளதால் மாவட்ட மக்கள் பல்வேறு அசௌகரியங்களையும் அவலங்களையும் எதிர்நோக்குகின்றனர்.அம்பாறை மாவட்டத்தில் கடந்த சில நாட்களாகப் பெய்துவரும் மழையால் ஏற்பட்ட வெள்ளத்தினால் பாதிக்கப்பட்ட மக்களில் இதுவரை எவ்வித நிவாரணங்களும் அரசாங்கத்தினால் வழங்கப்படவில்லையென பாதிக்கப்பட்டுள்ள மக்கள் விசனம் தெரிவிக்கின்றனர்.

இம்மாவட்டத்தின் கரையோரப் பிரதேசங்களில் வெள்ளத்தினால் ஏற்பட்டுள்ள பாதிப்புக்களை கடந்த சில தினங்களுக்கு முன்னர் அம்பாறை மாவட்ட அரசாங்க அதிபர் சுனில் கன்னங்கர பார்வையிட்டுச் சென்று பல நாட்கள் கடந்து விட்ட நிலையிலும் எந்தவிதமான நிவாரணமும் தமக்கு வழங்கப்படாமை குறித்து பாதிக்கப்பட்டோர் விசனம் தெரிவித்துள்ளனர்.இது குறித்து இப்பிரதேச அமைச்சர்கள் மற்றும் அரசியல்வாதிகள் தலையிட்டு நிவாரணத்தை உடனடியாகப் பெற்றுக்கொடுக்க நடவடிக்கை எடுக்க வேண்டுமெனவும் வேண்டுகோள் விடுத்துள்ளனர்.கிழக்கு மாகாணத்தில் தொடர்ந்து பெய்துவரும் கடும் மழையினால் தொற்றுநோய் ஏற்படும் ஆபத்து ஏற்பட்டுள்ளதாகக் கிழக்கு மாகாண சுகாதாரத்துறையினர் எச்சரித்துள்ளனர்.

இதனால் கொதித்தாறிய நீரைக் குடிப்பதற்கு பயன்படுத்துமாறும் முடியுமானவரை வீட்டிலேயே சமைத்து உண்ணுமாறும் வேண்டுகோள் விடுத்துள்ளனர்.பல்வேறுபட்ட காரணிகள் தொற்று நோய்களுக்குக் காரணமாக உள்ளதாகவும் இதில் குடிநீரும் உணவுவகைகளும் பாரிய தாக்கங்களை ஏற்படுத்துவதாகவும் குறிப்பிட்டுள்ள சுகாதாரத்துறையினர் வெள்ளத்தினால் இடம்பெயர்ந்து தற்காலிக முகாம்களில் வாழும் பொதுமக்கள் இது தொடர்பாக மிகவும் அவதானத்துடன் இருக்குமாறும் அறிவுறுத்தியுள்ளனர்.

50 பாடசாலைகள் வெள்ளத்தில்; பலவற்றை மூடும் நிர்ப்பந்தம்

மட்டக்களப்பு,அம்பாறை மாவட்டத்தில் தற்போது ஏற்பட்டுள்ள வெள்ள அனர்த்தம் காரணமாக பல பாடசாலைகள் மூடப்பட்டுள்ளதாகவும் 50 க்கும் மேற்பட்ட பாடசாலைகள் வெள்ளத்தில் மூழ்கியுள்ளதாகவும் வலயக் கல்விப் பணிப்பாளர்கள் தெரிவித்துள்ளனர். மட்டக்களப்பு மத்தி கல்வி வலயத்தில் ஏறாவூர் ×கம வித்தியாலயம் மற்றும் ஓட்டமாவடி,வாழைச்சேனைப் பிரதேசங்களில் அந்நூர் மகா வித்தியாலயம், ஆயிஷா பாலிகா பிறைந்துறைச்சேனை அல் அஸ்ஹர், ஸாதுலியயா ஆகிய பாடசாலைகள் மூடப்பட்டுள்ளதாக வலயக் கல்விப் பணிப்பாளர் யு.எல்.எம்.ஜெயினுதீன் தெரிவித்தார்.

ஏறாவூர்ஐயங்கேணி அப்துல் காதர், ஹிஸ்புல்லா, அமீர் அலி, ஸாஹிர் மௌலானா, றகுமானியா மகா வித்தியாலயம் ஆகிய பாடசாலைகள் வெள்ளத்தினால் சூழப்பட்டுள்ளதாக பாடசாலைகளின் அதிபர்கள் அறிவித்துள்ளனர்.கல்குடா கல்வி வலயத்தில் பூலாக்காடு, பொண்டுகல் சேனை, புலிபாய்ந்தகல், வடமுனை, வீரநகர், குடும்பிமலை, முறுத்தானை, தரவை, மதுரங் கேணிக்குளம் ஆகிய பாடசாலைகள் வெள்ளத்தினால் சூழப்பட்டுள்ளதாக வலயக் கல்விப் பணிப்பாளர் திருமதி சுபா சக்கரவர்த்தி தெரிவித்தார்.

வவுணதீவுமட்டக்களப்பு மேற்கு வலயத்தில் காஞ்சிரங்குடா, கொத்தியாபுல, மாவளியாறு, பன்சேனை, நரிப்புல் தோட்டம், கரவெட்டியாறு, மாவடிமுன்மார் ஆகிய பிரதேச பாடசாலைகள் வெள்ளத்தில் மூழ்கியுள்ளன. இதனால் மாணவர்களது வரவு மிகவும் குறைவாகக் காணப்படுவதாக வலயக் கல்விப் பணிப்பாளர் கே.பாஸ்கரன் தெரிவித்துள்ளார்.

இதேநேரம், அம்பாறையில் தொடர்ச்சியாகப் பெய்துவரும் அடை மழைகாரணமாக மருதமுனை அல்ஹம்றா வித்தியாலயம் நீரில் மூழ்கியுள்ளது.இதன் காரணமாகப் பாடசாலை நடைபெறவில்லை. வகுப்பறைகள் நீரில் மூழ்கியுள்ளன. அதிபர் அறையில் மூன்று அடிக்கு மேல் வெள்ள நீர் நிறைந்துள்ளது.670 மாணவர்களுடன் குறைந்த வளங்களோடு காணப்படும் இப்பாடசாலை வருடாவருடம் மழை காலங்களில் இவ்வாறு நீரில் மூழ்குவது தொடர் கதையாகவே உள்ளது. மாணவர்கள் நிம்மதியாகக் கற்கமுடியாத நிலையும் ஆசிரியர்கள் ஒழுங்காகக் கற்பிக்க முடியாத சூழலும் காணப்படுகிறது.

திங்கட்கிழமை பாடசாலை ஆரம்பிக்கப்பட்ட போதிலும் தற்போதைய மழை வெள்ளம் காரணமாக இப்பாடசாலை மாணவர்களுக்கான கல்வி பாதிப்படைந்துள்ளது.மேலும் கல்முனைக் கல்வி வலயத்திலுள்ள சண்முகா மகா வித்தியாலயம், கண்ணகி இந்து வித்தியாலயம், காரைதீவு,கல்முனை ஸாஹிரா கல்லூரி, அஸ்ஸீகரா வித்தியாலயம் ஆகிய பாடசாலைகள் வெள்ளத்தில் மூழ்கியுள்ளதால் தற்காலிகமாக மூடப்பட்டுள்ளதாக கல்முனைக் கல்வி வலயப் பிரதிக்கல்விப் பணிப்பாளர் எம்.எஸ்.அப்துல் ஜெலீல் தெரிவித்தார்.

பாடசாலைகளை மூடும் அதிகாரம் பணிப்பாளர்களுக்கு

மட்டக்களப்பு அம்பாறை மாவட்டங்களில் மீண்டும் கடும் மழையால் வெள்ள நிலைமை மிக மோசமாகக் காணப்படுவதால் வெள்ளத்தால் பாதிக்கப்பட்ட பிரதேசங்களிலுள்ள பாடசாலைகளை மூடும் அதிகாரத்தை சம்பந்தப்பட்ட கல்வி வலயபணிப்பாளர்களுக்கு வழங்கியுள்ளதாக கிழக்கு மாகாண கல்விப்பணிப்பாளர் எம்.ரி.எம்.நிஷாம் தெரிவித்துள்ளார்.

மட்டக்களப்பு அம்பாறை மாவட்டத்திலிலுள்ள பாடசாலைகளே வெள்ளத்தினால் பெரிதும் பாதிக்கப்பட்டுள்ளதாக தமக்கு முறைப்பாடு கிடைத்துள்ளதாகவும் அவ்வலயங்களுக்கான கல்விப்பணிப்பாளர்கள் நிலைமையினை ஆராய்ந்து பாடசாலைகளை மூடலாமெனவும், அவ்வாறு மூடப்பட்ட நாட்களுக்கான பாடசாலை தினங்களை விடுமுறை நாட்களில் மீண்டும் நடத்தி கல்வியை தொடர நடவடிக்கை எடுக்குமாறும் பணிப்பாளர் நிஷாம் கேட்டுள்ளார்.

சில பாடசாலைகளை மூடிவிட்டு அதிபர்கள் கையொப்பம் இடுவதாக முறைப்பாடு கிடைத்துள்ளது. இது தவறாகும். மாணவர்களின் கல்வியை பாதிக்கும் செயலாகும். பாடசாலை மூடப்பட்டால் அத்தினத்திற்கு பதிலாக விடுமுறை நாட்களில் பாடசாலையை மீண்டும் நடாத்துவதே மாணவர்களின் கல்வியை பாதிக்காது என்றும் அவர் தெரிவித்துள்ளார்.

மட்டக்களப்பில் சுனாமி அனர்த்தத்தில் உயிர்நீத்தவர்களுக்கான 6ம் ஆண்டு ஆத்ம சாந்தி பிரார்த்தனை நிகழ்வுகள்

2010-12-26T23:03:00.000+02:00

உலகளவில் சுனாமிப் பேரலை அனர்த்தில் கடந்த 2004ஆம் ஆண்டு உயிர் நீத்தவர்களுக்கான ஆத்மசாந்தி பிரார்த்தனையுடனான யாகம் மட்டக்களப்பு நாவலடியில் இன்று காலை நடைபெற்றது. இவ் அனர்த்தத்தின்போது, மட்டக்களப்பு மாவட்டத்தில் அதிகம் பேரை காவுகொடுத்த பிரதேசமான நாவலடியில் நடைபெற்ற இந்நிகழ்வு, மாவட்டத்தின் பிரதான நிகழ்வாகவும் அமைந்தது. இந் நிகழ்வு நாவலடியிலுள்ள சுனாமி நினைவுத் தூபி அருகில் காலை முதல் நடைபெற்றது.

நாவலடி சுனாமி நினைவுப் பணி மன்றத்தின் ஏற்பாட்டில் நடைபெற்ற இந்த பிரார்த்தனை யாக, திதியுடன் கூடிய நினைவு விசேட பிரார்த்தனை நடைபெற்றது.

மட்டக்களப்பில் அதிகமான மக்கள் பலியான நாவலடியில் வருடா வருடம் பிதிர் கடமை நடைபெற்று வருகின்றது. அந்த வகையில் இவ்வருடமும் மட்டக்களப்பில் உயிரிழந்த, இலங்கையில், உலகத்தில் உயிரிழந்தவர்களின் ஆத்ம சாந்திப்பிரார்த்தனையும், நடைபெற்றது.

இப் பிரார்த்தனையில், மட்டக்களப்பு மாவட்டத்தில் தமது இடங்களில் பிதிர் கடமைகளை நிறைவேற்ற முடியாதவர்களும் கலந்து கொள்வது வழக்கமாகும். இம்முறை இந்நிகழ்வில், மட்டக்களப்பின் பல இடங்களிலிருந்தும் பொது மக்கள் கலந்து கொண்டு தமது உறவனர்களுக்கான ஆத்ம சாந்திப் பிரார்த்தனைகளில் கலந்து கொண்டனர்.

நாவலடியில் மாத்திரம் 925 பேர் சுனாமியில் பலியாகியிருந்தமை குறிப்பிடத்தக்கது. இதேவேளை மட்டக்களப்பு நகரில் மாத்திரம் 10க்கும் மேற்பட்ட இடங்களில் சுனாமியால் உயிரிழந்தவர்களுக்கான நினைவுப் பிரார்த்தனைகள் நடைபெற்றன.

அந்தவகையில், திருச்செந்தூர், டச்பார், உள்ளிட்ட இடங்களில் நடைபெற்ற நிகழ்வுகளில் மட்டு.திருமலை மறைமாவட்ட துணை ஆயர் யோசப்பொன்னையா ஆண்டகை, அருட்திரு. யோசப் மேரி ஆகியோர் கலந்து கொண்டு பிரார்த்தனைகளை நடத்தினர்.

இதேவேளை மட்டக்களப்பு மாவட்டத்தின் அனைத்து பகுதிகளிலும் சுனாமி நினைவுப் பிரார்த்தனைகள், மத அனுஸ்டானங்கள் நடைபெற்றமை குறிப்பிடத்தக்கது.

இலங்கையின் ஏனைய இடங்களிலும் இப் பிரார்த்தனைகள் இடம் பெற்றுள்ளன ,

திருக்கோவில் பிரதேசத்திலும் இப் பிரார்த்தனைகள் இடம்பெற்றன , இதன் போது அதிகமான மக்கள் ஆலயம் சென்று இறந்தவர்களுக்கு அவர்களது ஆத்மா சாந்தியடைய பிரார்த்தனைகளை செய்துள்ளனர் .

http://www.facebook.com/album.php?aid=257909&id=105303528424

http://www.facebook.com/battipeople

மட்டக்களப்பில் சட்டவிரோதமாக மின்சாரம் பெற்ற 115 பேர் கைது

2010-12-24T00:16:00.000+02:00

மட்டக்களப்பு மாவட்டத்தில் சட்டவிரோதமாக மின்சாரம் பெற்ற 115 பேர் மட்டக்களப்பு இலங்கை மின்சார சபை காரியாலய அதிகாரிகளால் கைது செய்யப்பட்டுள்ளனர்.

கடந்த மூன்று நாட்களாக மட்டக்களப்பு மாவட்ட பொலிஸாரும் , மின்சார சபையினரும் ஒன்றிணைந்து நடத்திய விசேட தேடுதல் நடவடிக்கையின் போதே சட்டவிரோத மின்பாவனையாளர்கள் இவ்வாறு கைது செய்யப்பட்டுள்ளனர்.

ஏறாவூர், வவுணதீவு, கொக்கட்டிச்சோலை மற்றும் களுவாஞ்சிக்குடி ஆகிய பகுதிகளில் இந்த சுற்றிவளைப்பு தேடுதல் இடம் பெற்றதாக தெரிவிக்கப்பட்டுள்ளது.

அம்பாறையின் கரையோரப் பகுதிகளில் கடற்கோள் அனர்த்த நினைவுகூரல் நிகழ்வுகள்

2010-12-24T00:04:00.000+02:00

அம்பாறை மாவட்ட நிருபர் : கடற்கோள் அனர்த்தம் ஏற்பட்ட ஆறாம்வருட நினைவு தின நிகழ்வுகள் அம்பாறை மாவட்டத்தின் கரையோரப் பிரதேச தமிழ், முஸ்லிம் கிராமங்களில் இடம்பெறவுள்ளன.

எதிர்வரும் 26 ஆம் திகதி ஞாயிற்றுக்கிழமை இந்த உணர்வுபூர்வமான நிகழ்வுகள் நடைபெறுவதற்கு ஏற்பாடுகள் செய்யப்பட்டு வருவதுடன், அன்றைய தினத்தை கடற்கோளால் மரணித்தவர்களுக்கான ஞாபகார்த்தத் தினமாகவும் பிரடகனப்படுத்தி அவர்களுக்காகப் பிரார்த்தனை மற்றும் அஞ்சலி நிகழ்வுகளும் இடம்பெறவுள்ளன.

கடற்கோள் அனர்த்தத்தின் போது அம்பாறை மாவட்டத்தின் கரையோரப் பிரதேசத் தமிழ், முஸ்லிம் கிராமங்களான மருதமுனை, துறைநீலாவணை, பெரிய நீலாவணை, பாண்டிருப்பு, கல்முனை, கல்முனைக்குடி, சாய்ந்தமருது, மாளிகைக்காடு, காரைதீவு, நிந்தவூர், தம்பட்டை, தம்பிலுவில், திருக்கோவில், பொத்துவில் போன்ற கிராமங்கள் பெரும்பாதிப்புக்குள்ளாகியதுடன் பெருமளவானோர் உயிர் நீத்த சம்பவங்களும் இடம்பெற்றன.

இதன்படி அம்பாறை மாவட்டத்தின் தமிழ்ப் பிரதேசங்களில் உயிர்நீத்தவர்களின் நினைவுத் தூபிகள் நிர்மாணிக்கப்பட்டுள்ள இடங்களில் அஞ்சலி நிகழ்வுகளும் சமய நிகழ்வுகளும் நினைவுப் பேருரைக் கூட்டங்களும் இடம்பெறவுள்ளன.

அதேபோல் முஸ்லிம் பிரதேசங்களில் கடற்கோள் அனர்த்தத்தின் போது உயிர்நீத்த மக்களுக்காக கத்தமுல் குர்ஆன் ஓதி தமாம் செய்தல், அன்னதானம் வழங்கல் என்பன உட்பட நினைவு தினக் கூட்டங்களும் மார்க்க உபந்நியாசங்களும் இடம்பெறவுள்ளன.

இதேவேளை கடற்கோளினால் உயிர்நீத்த ஷûஹதாக்களின் 6 ஆம் வருட நினைவு தின நிகழ்வுகளை கல்முனை இஸ்லாமிய நலன்புரிச் சங்கம் எதிர்வரும் 26 ஆம் திகதி நடத்தவிருக்கின்றது.

மௌலவி அல்ஹாஜ் எஸ்.ஏ.ஆர்.எம்.செய்யது கலீல் மௌலானா தலைமையில் கல்முனைக்குடி கடற்கரைப் பள்ளிவாசலில் நாகூர் ஆண்டகை தர்ஹா முற்றவெளியில் இந்த நிகழ்வுகள் நடைபெறவுள்ளன. கத்தமுல் குர்ஆன் தமாம் வைபவம் அன்னதானம் வழங்கல் மார்க்க உபந்நியாசம், துஆ பிரார்த்தனை என்பன நிகழ்வில் இடம்பெறவுள்ளன.

பெரியகல்லாறு பகுதியில் திருநீறு சொரியும் சாய்பாபா திருவுருவப்படம்

2010-12-19T15:26:00.000+02:00

மட்டக்களப்பு மாவட்டத்தின் களுவாஞ்சிகுடி பிரதேச செயலகத்துக்குட்பட்ட பெரிய கல்லாறு இரண்டாம் குறிச்சியிலுள்ள புஸ்பகுமார் என்பவரின்;; இல்லத்திலுள்ள பூஜை அறையில் காணப்படும் சாயி பாபா மற்றும் விநாயகர் திருவுருவப்படங்களிலிருந்து கடந்த சில தினங்களாக விப10தி சொரிந்த வண்ணம் உள்ளது.

மேற்படி பக்தர் அண்மையிலேயே இந்தியாவிலுள்ள புட்டபத்திக்கு சென்று சாய்பாபாவின் நேரடித்தரிசனம் பெற்றவர் என்பதும் குறிப்பிடத்தக்கது

கோமாரி பகுதியில் புதையல் அகழ்ந்து கொண்டிருந்த ஐவர் இன்று காலை கைது

2010-12-19T15:19:00.000+02:00

அம்பாறை மாவட்டத்தின் பொத்துவில் பிரதேசத்தில் உள்ள கோமாரி காட்டு பகுதியில் புதையல் அகழ்ந்து கொண்டிருந்த ஐவர் இன்று காலை கைது செய்யப்பட்டனர்.

விசேட அதிரடிப்படையினர் இரகசிய தகவல் ஒன்றின் அடிப்படையில் காட்டுப் பகுதியை சுற்றி வளைத்து இவர்களை கைது செய்தனர்.

இவர்களின் உடைமையில் இருந்து முச்சக்கர வண்டி ஒன்றும், உள்நாட்டில் தயாரிக்கப்பட்ட துப்பாக்கி ஒன்றும் கைப்பற்றப்பட்டு உள்ளன.

விஞ்ஞான பாட பரிசோதனையால் தீப்பற்றி மட்டக்களப்பு மெதடிஸ்த மத்திய கல்லூரி மாணவன் பலி

2010-12-14T09:51:00.000+02:00

மட்டக்களப்பில் பாடசாலை மாணவன் ஒருவன் விஞ்ஞான பாட பரிசோதனையில் ஈடுபட்டபோது தீப்பற்ற பரிதாபகரமாக உயிரிழந்தார்.

மட்டக்களப்பு மெதடிஸ்த மத்திய கல்லூரியில் வகுப்பு 9 இல் கல்வி பயிலும் குகராஜா கேசாணன் என்னும் மாணவனே மேற்படி விஞ்ஞான பாட பரிசோதனையில் ஈடுபட்டிருந்தபோது தீப்பற்றி உயிரிழந்தவராவார்.
மேற்படி சம்பவம்பற்றி தெரியவருவதாவது
நேற்றைய தினம் (12.12.2010) பிற்பகல் 4.30 மணியளவில் குறித்த மாணவன் தனது வீட்டில் வைத்து 9 ஆம் ஆண்டு விஞ்ஞான பாடப் புத்தகத்தில் உள்ள தீச்சுவாலை பற்றிய ஒரு பரிசோதனையை மேற்கொள்வதற்காக மண்ணெண்ணையை ஒரு பாத்திரத்தில் இட்டு அதனை எரிய விட்டு சுழற்றிய போது தீடீரென்று தனது உடம்பில் தீப்பற்றிய நிலையில் படுகாயமடைந்து மட்/போதனா வைத்தியசாலையில் அனுமதிக்கப்பட்டிருந்தார்.
இருந்தபோதிலும், சிகிச்சை பயனளிக்காததால் பரிதாபமாக உயிரிழந்துள்ளார்.

மட்டக்களப்பு கல்லடி பாலத்தில் நீந்துவது பாம்பு அல்ல மீன்களே

2010-12-01T21:23:00.000+02:00

மட்டக்களப்பு கல்லடி பாலத்தின் கீழ் ஆயிரக்கணக்கான பாம்புகள் நீந்திக்கொண்டிருப்பபதாக பொதுமக்கள் தெரிவித்துள்ளனர். எனினும் அவை பாம்புகள் அல்லவென தற்போது தெரிவிக்கப்படடுள்ளது. இவை ஒருவகை மீனினங்கள் என ம்டடக்களப்பு மாவட்ட அனர்த்த முகாமைத்துவ பதில் இணைபாளர் அலி மெஹமது மெஹமட் காசீம் தெரிவித்துள்ளார்.

நேற்றைய தினம் இவை அவதானிக்கப்பட்டதாகவும் இன்றைய தினமும் அவை அவதானிக்கப்படுவதாகவும் பொதுமக்கள் தெரிவித்துள்ளனர்.

விலாங்கு மீன் என்ற இனத்தை சேர்ந்த இந்த மீன்கள் தமது வாழ்க்கையை தொடருவதற்காக ஆறுகளில் இருந்து கடலுக்கு செல்வதையே தற்போது அவதானிக்ககூடியதாக உள்ளது.

பலரும் இது பாம்புகள் எனக்கூறுவதுடன் சுனாமி வருவதற்கான எச்சரிக்கையாகவே இந்த பாம்புகள் நீந்துவதாகவும் பதற்றத்தை தோற்றுவித்திருந்தனர்.

எனினும் அனர்த்த முகாமைத்துவ மததிய நிலையம் அனர்த்தங்கள் தொடர்பாக எந்த நேரத்திலும் தகவல்களை வழங்கும் என தெரிவித்துள்;ள அலி மட்டக்களப்பு வாவியில் நீந்துவதாக கூறப்படும் பாம்புகளை போன்ற மீனினத்தை கண்டு அச்சம் கொள்ள தேவையில்லை என குறிப்பிட்டுள்ளார்.தொடர்பு பட்ட செய்தி

தம்பிலுவில் கடலில் குளிக்கச்சென்று காணாமல் போன இருவரில் ஒருவரின் சடலம் மீட்பு

2010-12-01T08:04:00.001+02:00

கடலில் நேற்று செவ்வாய்க்கிழமை குளிக்கச்சென்று காணாமல் போன இரு இளைஞர்களில் ஒருவரின் சடலத்தை பொலிஸார் இன்று காலை மீட்டுள்ளனர்.

பதுளையைச் சேர்ந்த வி. செல்வக்குமார் (வயது 21) என்ற இளைஞனின் சடலத்தையே இன்று காலை 9.10 மணியளவில் திருக்கோவில் பொலிஸார் மீட்டுள்ளனர்.
குளிக்கச்சென்ற இடத்திலிருந்து ஒரு மைலுக்கு அப்பால் மேற்படி இளைஞனின் சடலம் மீட்கப்பட்டதாக பொலிஸார் தெரிவித்தனர்.
இவ்விளைஞனின் சடலம் திருக்கோவில் பொது வைத்தியசாலைக்கு பிரேத பரிசோதனைக்காக எடுத்துச் செல்லப்பட்டுள்ளது.
நேற்று செவ்வாய்கிழமை திருக்கோவில் கடலுக்குச் குளிக்கச் சென்ற இரு இளைஞர்கள் காணாமல் போனதுடன் அவர்களிள் ஒருவரே இன்று சடலமாக மீட்கப்பட்டுள்ளார்.
மற்றைய இளைஞனின் சடலத்தை தேடும் பணியில் பொலிஸாரும் பொதுமக்களும் ஈடுப்பட்டுவருகின்றனர்

திருக்கோவில் கடலில் மூழ்கிய இரு இளைஞர்களை காணவில்லை

2010-12-01T07:38:00.000+02:00

கடலில் குளித்த இரு இளைஞர்கள் அலையில் சிக்கி காணாமல் போன சம்பவம் நேற்று செவ்வாய்க்கிழமை திருக்கோவில் கடலில் இடம்பெற்றது.

ஏழு இளைஞர்கள் காலை 8 மணிக்கு கடலில் குளித்தனர்.இருவர் சற்றுத்தொலைவில் தனியாக குளித்த போது இச்சம்பவம் இடம்பெற்றது.காணாமல்போன இருவரில் ஒருவர் எதிர்வரும் க.பொ.த.சாதாரண தர பரீட்சைக்கு தோற்றவுள்ள மாணவன் என்பதும் குறிப்பிடத்தக்கது.

திருக்கோவில் மகாவித்தியாலயத்தில் கல்வி கற்கும் சிவசோதி றோஜன் (16 வயது) மற்றும் பதுளையைச் சேர்ந்த எஸ்.செல்வகுமார்(20 வயது) ஆகியோர் இச்சம்பவத்தில் காணாமல் போனவர்களாவர்.திருக்கோவில் பொலிஸாரும் உறவினர்களும் இவர்களைத்தேடும் பணிகளில் ஈடுபட்டுள்ளனர். திருமண வைபவம் ஒன்றிற்கு வந்த இளைஞர்கள் கடலில் குளித்ததாகவும் தெரிவிக்கப்படுகிறது

மட்டக்களப்பில் நிறநிற பாம்புகள் - மீண்டும் பேரழிவுக்கு அறிகுறியா? - மக்கள் பீதி

2010-12-01T03:39:00.000+02:00

மட்டக்களப்பு கல்லடி பாலத்தின் கீழள்ள வாவியில் ஆயிரக்கணக்கான பாம்புகள் நீந்திச்செல்கின்றன. இவற்றைக்காண மழையையும் பொருட்படுத்தாது பெருமளவிலான மக்கள் கூடியுள்ளதை அவதானிக்கமுடிவதாக அங்கிருக்கும் எமது செய்தியாளர் தெரிவிக்கிறார்.

இன்று மாலை முதல் வாவியில் நீந்தும் வெள்ளை மற்றும் பச்சை நிறங்களில் காணப்படும் இப்பாம்புகள் 2 அடிக்கும் 3 அடிக்கும் இடைப்பட்டவைகள் என்பது குறிப்பிடத்தக்கது.

இவ்வாறு கல்லடிப் பாலத்தின் கீழுள்ள வாவியில் பெருளவிலான பாம்புகள் நீந்தி ஓடுவது இது இரண்டாவது தடவையாகும்.

இவ்வாறு கடந்த 2004 ஆம் ஆண்டும் இலட்சக்கணக்கான பாம்புகள் வாவியில் நீந்தின. இவ்வாறு பாம்புகள் தென்படட்டு 5 மாதங்களில் சுனாமி அனர்த்தம் ஏற்பட்டதும் குறிப்படத்தக்கது.

இப்பாம்புகள் வெளியானதன் பின்னர் இம்மாவட்ட மக்கள் மத்தியில் பெரும் பதற்றமும் பரபரப்பும் ஏற்பட்டுள்ளது.

மட்டக்களப்பில் இன்று ஆக்கத்திறன் கண்காட்சி ஆரம்பம்

2010-10-31T02:23:00.000+02:00

மட்டக்களப்பு இந்துக்கல்லூரி மண்டபத்தில் நடைபெறும் மாவட்ட முன்பள்ளி ஆசிரியர்களின் ஆக்கத்திறன் கண்காட்சி இன்று காலை ஆரம்பித்து வைக்கப்பட்டது.

இன்றும் நாளையும் நடைபெறும் இக்கண்காட்சியை மட்டக்களப்பு மாவட்ட முன் பள்ளி ஆசிரியர்களின் அபிவிருத்தி வலயமைப்பு ஏற்பாடு செய்திருந்தது...

..இன்றைய ஆரம்ப நிகழ்வில் தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் பொன் செல்வராசா, கிழக்கு மாகாண சபை உறுப்பினர் பிரசாந்தன், கிழக்கு மாகாண பாலர்பாடசாலைகளின் பணியகத் தலைவர் நடராசா உட்பட அதிகாரிகள் மற்றும் முன் பள்ளிகளின் ஆசிரியர்கள் கலந்து கொண்டனர்.

இன்று ஆரம்பிக்கப்பட்ட இக்கண்காட்சி நாளை மாலையுடன் நிறைவு பெறவுள்ளது.

இக்கண்காட்சியில் மட்டு. மாவட்டத்திலுள்ள மட்டக்களப்பு, கல்குடா, பட்டிருப்பு ஆகிய மூன்று வலயங்களிலுமுள்ள 500 முன்பள்ளிகளிலிருந்து 1500ஆசிரியைகள் பங்குபற்றியுள்ளனர்.

முன்பள்ளி ஆசிரியைகளை கௌரவிக்கும் நிகழ்வும் இதன் போது இடம்பெற்றது

கிழக்கிலங்கை கிறிஸ்தவ வாழ்வு சமூகங்களின் வருடாந்த மகாநாடு (பட இணைப்பு) _

2010-10-31T02:17:00.000+02:00

கிழக்கிலங்கை கிறிஸ்தவ வாழ்வு சமூகங்களின் வருடாந்த மகாநாடு கல்முனை திரு இருதய ஆண்டவர் மண்டபத்தில் மூன்று தினங்கள் வெகு சிறப்பாக நடைபெற்றது.

அங்குரார்ப்பண நிகழ்வில் பிரதம விருந்தினராக திருமலை மட்டக்களப்பு மறைமாவட்ட ஆயர் அதிமேதகு ஜோசப் கிங்ஸ்லி சுவாம்பிள்ளை ஆண்டகை அவர்களும், பிரதம அதிதியாக சிவில் மேல் முறையீட்டு நீதிபதி பாலசிங்கம் சசிமகேந்திரன், சிறப்பு விருந்தினர்களாக மட்டக்களப்பு கல்முனை கரித்தாஸ் எகெட் நிறுவக இயக்குனர் அருட்பணி. பேராசிரியர். வு.ளு. சில்வெஸ்ரர், கல்முனை மறைக்கோட்ட குரு முதல்வர் அருட்பணி. ஜூட் ஜோண்சன் ஆகியோர் கலந்து சிறப்பித்தார்கள்.

கொடிகள் ஏற்றி வைக்கப்பட்டு புனித இஞ்ஞாசியாரின் இந்நிகழ்வு பிராந்திய கிறிஸ்தவ வாழ்வு சமூகத்தின் ஆன்மீக உதவியாளர் அருட்தந்தை ஆஞ்சலோ பொன்னையா அவர்களினால் வழிநடத்தப்பட்டது.

திருகோணமலை, மட்டக்களப்பு, கல்முனை ஆகிய மறைக்கோட்டங்களில் இருந்து சுமார் நூற்றுக்கு மேற்பட்ட இளைஞர் யுவதிகள், திருமணமானோர் இம் மகாநாட்டில் கலந்து சிறப்பித்தனர்.

எடை குறைந்த பாண் விற்பனை : மட்டக்களப்பில் ஐவருக்கு அபராதம் விதிப்பு

2010-10-31T02:13:00.001+02:00

எடை குறைந்த பாண் விற்பனை செய்த ஐவர் இன்று மட்டக்களப்பு மாவட்ட நீதிவான் நீதிமன்றத்தில் ஆஜர்படுத்தப்பட்டனர். இவர்களுக்குத் தலா 7,000 ரூபா வரை அபராதம் விதிக்கப்பட்டது.

மட்டக்களப்பு மாவட்டத்தில் அளவீட்டு அலகுகள், நியமங்கள் சேவைகள் திணைக்களத்தின் வருடாந்த முத்திரை பதியாதோர் மற்றும் எடை குறைந்த பாண் விற்பனை செய்யும் வர்த்தகர்களுக்கெதிராக சட்ட நடவடிக்கை எடுக்கப்பட்டு வருகின்றது.

மாவட்ட அரசாங்க அதிபர் சுந்தரம் அருமைநாயகம் இத்தகைய சட்ட விரோத வியாபாரிகளை கண்டுபிடித்து சட்ட நடவடிக்கை எடுக்குமாறு அளவீட்டு அலகுகள் நியமங்கள் மற்றும் சேவைகள் திணைக்கள மாவட்ட பொறுப்பதிகாரி வீ.விக்னேஸ்வரனுக்கு உத்தரவு பிறப்பித்துள்ளார்.

இவ்வாறானவர்களைக் கண்டுபிடிப்பதற்கென திடீர் வேட்டைகள் நடத்தப்பட்டு வருவதாக அரசாங்க தகவல் திணைக்களத்தின் மட்டக்களப்பு மாவட்ட ஊடகப்பிரிவுத் தகவல் தெரிவிக்கின்றது.

இதற்கமைய மட்டக்களப்பு மாநகர எல்லைப்பகுதிக்குள் நடத்திய திடீர் வேட்டையில் சட்டவிரோதமாக செயல்பட்ட 09 வர்த்தகர்கள் கண்டு பிடிக்கப்பட்டுள்ளனர். இவர்களில் ஒரு இறாத்தல் பாண் 450 கிராமுக்குப் பதிலாக 365,370,405 கிராம் எடைகளில் விற்பனை செய்த ஐவர் கண்டுபிடிக்கப்பட்டுள்ளனர்.

இதுதவிர, அளவைக் கருவி உபகரணங்களுக்குப் பதிலாக போலியானவற்றைப் பயன்படுத்தியதாக இரு வர்த்தகர்களும், முத்திரை பொறிக்கப்படாத அளவைக் கருவிகளைப் பயன்படுத்திய இரு வர்த்தகர்களும் கண்டுபிடிக்கப்பட்டு மாவட்ட அரசாங்க அதிபர் சுந்தரம் அருமைநாயகத்தின் பணிப்புக்கமைய இன்று மட்டக்களப்பு நீதிவான் நீதிமன்றத்தில் ஆஜர் செய்யப்பட்டனர்.

அளவை நிறுவை பொறுப்பதிகாரி வீ.விக்னேஸ்வரனால் நீதிவான் நீதிமன்ற நீதிபதி வீ. ராமக்கமலன் முன்னிலையில் ஆஜர் செய்யப்பட்ட வர்த்தகர்களுக்கு தலா 7.000 ரூபா வரை அபராதம் விதிக்கப்பட்டுள்ளதாக மாவட்ட அரச அலுவலக ஊடகப் பிரிவு தெரிவிக்கின்றது.

தம்பிலுவில் பொது மயானத்திற்கு அருகில் ஆயுதங்கள் மீட்பு

2010-10-16T21:15:00.000+03:00

திருக்கோவில், தம்பிலுவில் பொது மயானத்திற்கு அருகில் புதைத்து வைக்கப்பட்டிருந்த ஆயுதங்கள் சில அம்பாறை விசேட காவல்துறை நடவடிக்கை பிரிவினர் மீட்டுள்ளனர். இதன்போது, ரி 56 ரக துப்பாக்கியொன்று, அதற்கான ரவைகள் 54 என்பவற்றை மீட்டு திருக்கோவில் காவல்நிலையத்தில் ஒப்படைக்கப்பட்டுள்ளன. எனினும், சந்தேக நபர்கள் எவரும் இதுவரை கைது செய்யப்படவில்லை.

சேனைக்குடியிருப்பு ஆற்றில் குடும்பஸ்தர் சடலமாக மீட்பு

2010-10-15T03:18:00.000+03:00

அம்பாறை மாவட்டத்தின் கல்முனை பொலிஸ் பிரிவுக்குட்பட்ட சேனைகுடியிருப்பை சேர்ந்த குடும்பஸ்த்தர் கிட்டங்கி ஆற்றில் இருந்து சடலமாக மீட்கப்பட்டுள்ளார்.

இன்று வியாழக்கிழமை காலை துறைநீலாவணையை சேர்ந்தவரும் சேனைக்குடியிருப்பில் வசிப்பவருமான கோவிந்தபிள்ளை குணசேகரம் (50 வயது) என்பவரே இவ்வாறு சடலமாக மீட்கப்பட்டதாக கல்முனை பொலிஸார் தெரிவித்தனர்.

மீட்கப்பட்ட சடலம் கல்முனை வடக்கு ஆதார வைத்தியசாலைக்கு கொண்டு செல்லப்பட்டுள்ளதாகவும் பொலிஸார் தெரிவித்தனர்.

இது தொடர்பிலான விசாரணையை கல்முனை பொலிஸார் மேற்கொண்டு வருகின்றனர்

மட்டக்களப்பு மாவட்டத்தில் காட்டு யானைகளின் தாக்குதலுக்கு மூன்று பேர் பலி

2010-10-15T02:51:00.001+03:00

கிழக்கே மட்டக்களப்பு மாவட்டத்தில் யுத்த இடப்பெயர்வின் பின்னர் மீள் குடியேற்றப்பட்ட பிரதேசங்களில் 72 மணி நேரங்களில் காட்டு யானைகளின் தாக்குதலுக்கு இலக்காகி இரண்டு விவசாயிகள் உட்பட மூன்று பேர் மரணமடைந்துள்ளதாக பொலிசார் தெரிவிக்கின்றனர்.
கடந்த திங்கட்கிழமை முதல் புதன்கிழமை வரை தினமும் ஒருவர் என யானைகளின் தாக்குதல்களுக்கு இலக்காகி இவர்கள் பலியாகியுள்ளனர்.
இம்மாவட்டத்தில் புது மண்டபத்தடி மற்றும், வாகனேரி ஆகிய இடங்களில் இந்த விவசாயிகளும், வெல்லாவெளி பிரதேசத்தில் வீடொன்றில் உறங்கிக் கொண்டிருந்த பெணணொருவர் மரணமடைந்துள்ளார்.

Grade V Scholarship 2010 Examination Result

2010-10-08T02:03:00.000+03:00

Malavan Supatha of Kalai Makal Vidyalayam, Thambiluvil obtained the first place (Tamil medium) obtaining 193 marks. Three students have obtained the second place with 194 marks, Examinations Commissioner General Anura Edirisinghe said.

They are Naween Yasanka Premaratne of Minuwangoda Horagasmulla Primary College, Jayathungagamage Kanani Pabasara of Kalutara Meegahathanna Primary School and R.L. Lathik Nawodya of Mahinda College Galle. According to the Grade V Scholarship Examination results, 31,000 students are qualified to receive scholarships and enter popular schools.

Accordingly, 16,000 students will be given popular schools while 15,000 will receive only scholarships, the Commissioner said. All results including those of the Colombo district will be issued today.

However, principals of schools in the Colombo district or suburbs can collect their result sheets by calling over at the Examinations Department prior to them being posted. Results will be released over the Internet at noon today, the Commissioner added.

This year 313,450 students have sat the Year V Scholarship Examination held on August 22 at 2,744 examination centres island-wide.

For the first time in the history of the Grade V Scholarship Examination the Examinations Department will issue certificates for students who have obtained at least 70 marks or above.

The lowest cut-off marks for Sinhala medium were reported from the Vavuniya and Trincomalee Districts (139) while 148 was reported as the highest marks from Nine Districts throughout the country.

Those are Colombo, Gampaha, Kalutara, Kandy, Matale, Galle, Matara, Kurunegala and Kegalle.

The lowest cut-off marks for the Tamil medium was 137 reported from the Hambantota district while the highest marks for the Tamil medium was 145.

-------

Place Name School Marks

First E.A.K. Edirisinghe Dharmpala Vidyalaya 196 Pannipitiya Malavan Supatha Kalai Makal Vidyalayam, Thambiluvil

193

Second N.Y. Premaratne Horagasmulla Primary College, Minuwaingoda 194 J.K. Pabasara Meegahatanna Primary School Kalutara 194 R.L. Lathik Nawodya Mahinda College Galle 194

மட்டக்களப்பு,அம்பாறை மாவட்ட வேலையற்ற பட்டதாரிகள் மாணவர் சங்கம் இன்று மட்டக்களப்பில் ஆர்ப்பாட்டம்

2010-08-11T21:39:00.001+03:00

மட்டக்களப்பு,அம்பாறை மாவட்ட வேலையற்ற பட்டதாரிகள் இன்று புதன்கிழமை காலை வேலை வாய்ப்பினை வழங்கக்கோரி கவன ஈர்ப்பு மற்றும் ஆர்ப்பாட்ட பேரணியினை நடத்தினர்.

இன்று காலை 7.30மணியளவில் கல்லடி சிவானந்தா தேசிய பாடசாலை முன்பாக ஒன்று கூடி அங்கிருந்து கல்முனை மட்டக்களப்பு பிரதான வீதியுடாக மட்டக்களப்பு நகரை நோக்கி மத்திய அரசே!இமாகாண அரசே! வேலையற்ற பட்டதாரிகளாகிய எமக்கு வேலைவழங்கு! எனக்கோஷமிட்டவாறு பதாகைகளை ஏந்தியவண்ணம் பேரணியாக சென்றனர்.

இந்த பேரணியில் தமிழ் தேசிய கூட்டமைப்பு பாராளுமன்ற உறுப்பினர்களான பொன்.செல்வராசா,பா.அரியநேந்திரன்,சீ.யோகேஸ்வரன் மற்றும் மாகாணசபை உறுப்பினர் இரா.துரைரெட்னம் ஆகியோர் இவர்களுக்கு ஆதரவு வழங்கி பேரணியில் இறுதிவரை கலந்துகொண்டனர்.

கல்லடி பாலத்தினை அடைந்த பேரணி பாலத்தினூடாக போக்குவரத்தை தடைசெய்து சுமார் இரண்டு மணித்தியாலம் மட்டக்களப்பு –கல்முனை வீதி போக்குவரத்தை தம்பிதமடைய செய்தது.

ஆரம்பத்தில் பொலிஸார் பேரணியை தடுக்க முற்பட்டபோதும் பின்னர் மட்டக்களப்பு கச்சேரிவரை பேரணியாக செல்வதற்கு அனுமதி வழங்கப்பட்டது.

கச்சேரியினை அடைந்த பேரணி தமது பிரதிநிதிகளை பாராளுமன்ற உறுப்பினர்கள், மாகாணசபை உறுப்பினர் சகிதம் அரச அதிபரிடம் ஜனாதிபதிக்கு அனுப்புவதற்கான தமது கோரிக்கைகள் அடங்கிய மகஜரை கையளித்தனர்.

அம் மகஜரில் தெரிவிக்கப்பட்டுள்ளதாவது,

மட்டக்களப்பு,அம்பாறை மாவட்டத்தில் வேலையற்ற பட்டதாரிகளுக்கு மத்திய அரசும் மாகாண அரசும் தனியார் நிறுவனங்களும் அரசசார்பு, சார்பற்ற நிறுவனங்களும் வேலைவாய்ப்புகளை வழங்கிவந்திருந்தது.

ஆனால்,நீண்டகாலமாக பட்டதாரிகளுக்கு வேலைவாய்ப்பை வழங்காமையினால் 2005முதல் இற்றை வரைக்கும் கூடுதலான பட்டதாரிகள் வேலையின்றி காணப்படுகின்றனர்.

அந்தவகையில் மட்டக்களப்பு மாவட்டத்தில் 1650பேரும் திருகோணமலை மாவட்டத்தில் 650பேரும் அம்பாறையில் 1200பேரும் வேலையற்று காணப்படுவதாக தெரிவிக்கப்பட்டுள்ளதோடு தற்போது மத்தியமாகாண அரசிடம் உள்ள நியமனம் வழங்கும் நடைமுறையில் வேலையற்ற பட்டதாரிகளுக்கு நியமனம் வழங்கும்போது பல்கலைக்கழகத்தில் இருந்த வெளியேறிய ஆண்டின் அடிப்படையில் நியமனம் வழங்கப்படவேண்டும்,அரச சுற்று நிருபத்துக்கு அமைய மூன்று வீதம் விசேட தேவையுள்ள பட்டதாரிகளுக்கு நியமனம் வழங்கப்படவேண்டும்,40 தொடக்கம் 45வரையான பட்டதாரிகள் வேலையற்று காணப்படுவதனால் இவர்களுக்கு முன்னுரிமை அளிக்கப்படவேண்டும்,முறைகேடான நியமனங்கள் தவிர்க்கப்படவேண்டும்,மத்திய,மாகாண அரசு வேலையற்ற பட்டதாரிகள் நலன் தொடர்பில் நிரந்த திட்டத்தை முன்வைக்கவேண்டும்,வடகிழக்கு பட்டதாரிகளுக்கு விசேட சலுகைகள் வழங்க வேண்டும் என்பன போன்ற கோரிக்கைகள் மகஜரில் தெரிவிக்கப்பட்டுள்ளன.

மட்டு.விவேகானந்தாவில் விளையாட்டுப் போட்டி!

2010-07-01T01:38:00.000+03:00

மட்டக்களப்பு மாவட்டத்தின் கல்லடிப் பகுதியில் அமைந்திருக்கும் மட்டு.விவேகானந்தா பெண்கள் பாடசாலையின் ஆரம்பப் பிரிவு

மாணவர்களுக்கான விளையாட்டுப் போட்டி கடந்த திங்கட்கிழமை பாடசாலையின் அதிபர் இந்திராணி புஸ்பராசாவின் தலைமையில் இடம்பெற்றது.

இந் நிகழ்வுக்கு மீள் குடியேற்ற பிரதியமைச்சர் விநாயகமூர்த்தி முரளிதரன் பிரதம அதிதியாக கலந்து கொண்டார்.

கௌரவ அதிதிகளாக மீள்குடியேற்ற அமைச்சரின் இணைப்புச் செயலாளர் ரி.இரவிந்திரன்,மட்டக்களப்பு வலயக் கல்விப் பணிப்பாளர் ஈ.போல் மற்றும் ஆரம்ப பிரிவுக்கான உதவிக் கல்விப் பணிப்பாளர் ஏ.ரகுநாதன் ஆகியோர் கலந்து கொண்டனர்.

கிழக்குப் பல்கலைக்கழகத்தில் தமிழ்-சிங்கள மாணவர்களிடையே முறுகல்

2010-06-20T04:02:00.001+03:00

மட்டக்களப்பு ,வந்தாறுமூலையில் அமைந்திருக்கும் கிழக்குப் பல்கலைக்கழக விடுதியில் தங்கி இருந்து பயிலும் சிங்கள-தமிழ் மாணவர்களிடையே வியாழன் நள்ளிரவு 12 மணி முதல் முறுகல் நிலை ஒன்று ஏற்பட்டு பல மணி நேரங்களாக நீடித்து இருக்கின்றது. அரசு இன்று யுத்த வெற்றியைக் கொண்டாடுகிறது.

இந்நிலையில்
யுத்த வெற்றிக் களிப்பின் ஒரு அம்சமாக சிங்கள மாணவர்கள் மது அருந்தி இருக்கிறார்கள்.பின் நள்ளிரவு நேரம் தமிழ் மாணவர்களின் அறைகளை தொடர்ச்சியாகத் தட்டி இருக்கின்றார்கள். சத்தம் போட்டுத் தமிழ் மாணவர்களை எழுப்பி உள்ளார்கள். இனவாதக் கருத்துக்களைப் பேசி இருக்கின்றார்கள். இராணுவ வெற்றிக் கொண்டாட்டத்தில் தமிழ் மாணவர்கள் கட்டாயம் பங்குபற்ற வேண்டும் என்று கொக்கரித்தனர்.

இதையடுத்து இரு தரப்பினருக்கும் இடையில் வாய்த்தர்க்கம் ஏற்பட்டது.தமிழ் மாணவர்களுடைய விடுதி அறைகளின் யன்னல்களை சிங்கள மாணவர்கள் உடைத்தனர். பின் விடுதியின் மேல்மாடிக்கு சிங்களவர்கள் அனைவரும் திரண்டு சென்றனர். அங்கிருந்து கற்களையும், பொல்லுகளையும் தமிழ் மாணவர்கள் மீது எறிந்தனர். இந்நிலையில் அங்கு செங்கலடிப் பொலிஸார் திடீரென வந்து குவிக்கப்பட்டனர். அவர்கள் தமிழ் மாணவர்களை வீடியோ எடுத்தனர்.

இந்நிலையில் தமிழ் மாணவர்கள் தமிழ் தேசிய கூட்டமைப்பின் மட்டு.மாவட்ட எம்.பி பா.அரியநேத்திரனைத் தொலைபேசியில் தொடர்பு கொண்டனர்.இந்த அசம்பாவிதம் குறித்து முறையிட்டனர். அரியநேத்திரன் எம்.பி செங்கலடிப் பொலிஸாருடனும், கிழக்குப் பல்கலைக்கழக துணைவேந்தர் க.பிரேமகுமார் ஆகியோருடன் தொடர்பு கொண்டு நிலைமையை சீர் செய்ய உடன் நடவடிக்கை எடுக்க வேண்டும் என்று கோரினார்.

உபவேந்தர் உடனடியாக பல்கலைக்கழகத்துக்கு விரைந்து வந்தார். அவர் சிங்கள- தமிழ் மாணவர்களுடன் உரையாடினார். இரு தரப்பினரையும் சமாதானமாகக் கலைந்து செல்ல வேண்டும் என்று கோரினார். பொலிஸாரும் நிலைமையைக் கட்டுப்பாட்டுக்குள் கொண்டு வர முயன்றனர். ஆனால் நிலைமை இன்னும் கட்டுப்பாட்டுக்குள் வரவில்லை

மட்டக்களப்பு சாந்தி திரையரங்கு தீக்கிரை

2010-06-20T03:53:00.001+03:00

மட்டக்களப்பு, கல்லடியில் ராவணன் என்ற தென்னிந்திய தமிழ் திரைப்படம் வெளியிடப்பட இருந்த சாந்தி திரையரங்கு இனந்தெரியாத நபர்களால் தீயிட்டு எரிக்கப்பட்டுள்ளது. சிறீலங்கா அரசுக்கு ஆதரவான இராணுவத்தரப்பே இச்செயலை செய்திருக்கலாம் என பிரதேசவாசிகள் சந்தேகிப்பதாக தெரிவிக்கப்படுகின்றது.

இதேவேளை
நேற்று முன்தினம் தென்னிந்திய தமிழ் சினிமா எதிர்ப்பு வாரம் என்ற தலைப்பில் தமிழிலும் சிங்களத்திலும் துண்டுப்பிரசுரம் ஒன்று மட்டக்களப்பில் உள்ள திரையரங்குகளுக்கு இராணுவத்தினராலும் இராணுவத்தினருடன் இணைந்து செயற்படும் துணை ஆயுதக்குழுக்களாலும் விநியோகிக்கப்பட்டிருந்தாக தெரிவிக்கப்படுகின்றது.

குறித்த துண்டுப்பிரசுரத்தில் தெரிவிக்கப்பட்டிருந்தானது,

அண்மையில் இலங்கையில் நடைபெற்ற IIFA இந்திய சர்வதேச திரைப்பட விழாவை இலங்கையில் நடைபெறவிடாது தடுத்து இலங்கை ஜனாதிபதியையும் இலங்கை அரசையும் அவமானப்படுத்த முனைந்த தென்னிந்திய தமிழ் சினிமா சமூகத்திற்கு எதிர்ப்பை தெரிவிக்கவும், இந்திய சினிமா வியாபாரம் இலங்கையிலும் தங்கியுள்ளது என்பதை காண்பிக்கவும் எதிர்வரும் 18.06.2010 தொடக்கம் 30.06.2010 வரை வடகிழக்கில் தென்னிந்திய சினிமா எதிர்ப்பு வாரமாக பிரகடனம் செய்து 18.06.2010 தொடக்கம் 30.06.2010 வரை வடகிழக்கு சினிமா அரங்குகளில் இந்திய தமிழ் படங்களை திரையிடுவதை தவிர்த்து எதிர்ப்பை வெளிப்படுத்துமாறு படமாளிகையினரையும் ரசிகர்களையும் அன்புடன் கேட்டுக்கொள்கிறோம்.

நாங்கள் சுதந்திர இலங்கையின் தமிழர்கள் என குறிப்பிடப்பட்டிருந்தனர்.

இந்நிலையில் மட்டக்களப்பு சாந்தி திரையரங்கில் ராவணன் என்ற தென்னிந்திய தமிழ் திரைப்படம் திரையிடப்பட இருந்த நிலையில் இதை தடுக்கும் முகமாகவே திரைக்கு தீவைத்துள்ளனர் என சந்தேகம் வெளியடப்பட்டுள்ளது

மட்டக்களப்பில் போக்குவரத்து (TRAFFIC) பொலிஸாரின் அட்டகாசங்கள்

2010-06-13T20:48:00.000+03:00

மட்டக்களப்பு மாவட்டத்தின் சகல பாகங்களிலும் போக்குவரத்து பொலிஸார் நிரம்பி வழிகின்றனர். குறிப்பாக நகரப் புறங்களில் ஒவ்வொரு வீதியிலும் ஒழுங்கைகளிலும் நின்றுகொண்டு வீதியால் செல்கின்ற வாகனங்களை நிறுத்தி ஏதோ ஒரு வகையில் குற்றவாளியாக்கி தண்டப்பணம் அறவிடுகின்றமை அதிகரித்துள்ளது.

குறிப்பாக உந்துருளிகளை நிறுத்தி சாரதி அனுமதிப்பத்திரம் வாகன அனுமதிப்பத்திரம் காப்புறுதி சான்றிதழ்களை பரிசோதனை செய்கின்றனர். இல்லாதவிடத்து ஆயிரம் அல்லது இரண்டாயிரம் மாமுல் கேட்கின்றனர். கொடுக்க மறுத்தால் தண்டப்பணம் எழுதிக்கொடுக்கினறனர்.

பெரும்பாலானோர் தலைக்கவசம் இன்றி அல்லது ஒருவழி பாதையில் எதிராக செல்கின்றபோதே மாட்டிக்கொள்கின்றனர். இவர்களிடத்தில் ஒரு சிறுதொகைப்பணம் பெறப்பட்டு விடுவிக்கப்படுகின்றனர்.
அண்மையில் நகருக்குள் உணவக உரிமையாளர் ஒருவர் ஒருவழிப்பாதையால் எதிராக வந்தபோது மாட்டிக்கொண்டார். பின்பு அவர் நெடுநேர உரையாடலின் பின்பு விடுவிக்கப்பட்டார். ஆனால் அவர் மறுநாள் கூறினார் ஐந்து போக்குவரத்து பொலிசாருக்கு விருந்துகொடுத்ததாக.
இன்னும் சிலர் சிறுதொகைப் பணத்தை அவசர தேவைகளுக்கு எடுத்து செல்லும்போது இவ்வாறு அவர்கள் மாட்டிக்கொண்டால் தேவையானதை நிறைவேற்றாமல் வீடு திரும்புகின்றனர்.
ஆனால் முஸ்லிம் நகரான காத்தான்குடியில் பெரும்பாலானோர் தலைக்கவசம் இன்றி பொலிஸாருக்கு முன்பாகவே செல்வதைக் காணலாம்.
தலைக்கவசம் அணிவதும், அனுமதிப் பத்திரங்களை பரிசோதனை செய்வதும் சிறந்ததே. ஆனால் இந்த நேரங்களில் மாமுல் பெறுவதானது தவிர்க்கப்படவேண்டும்.

எதிர்கால G.C.E O/L பெறுபேறுகளில் புதுவித சித்திகள் : அமைச்சர் திட்டம் _

2010-05-29T20:16:00.001+03:00

இனிவரும் காலங்களில் க.பொ.த.(சா.த)பரீட்சை பெறுபேறுகளில் புதுவித சித்திகளை அறிமுகம் செய்ய கல்வி அமைச்சர் பந்துல குணவர்தன திட்டமிட்டுள்ளதாகப் பரீட்சை ஆணையாளர்நாயகம் அனுர எதிரிசிங்க தெரிவித்துள்ளார்.

தற்போது நடைமுறையில் அதிவிஷேட(ஏ), விஷேட (பி), திறமை(சி). சாதாரணம்(எஸ்), சித்தி இன்மை(டபிள்யூ) எனப் பாகுபடுத்தப்படுகிறது.

இதில் உள்ள இருவகை குறைபாடுகளை அமைச்சர் சுட்டிக்காட்டியுள்ளார்.

75 இருந்து 100 வரை அதிவிஷேட சித்தி தீhமானிக்கப்படுகிறது. இதில் 25 புள்ளிகள் பரவிக் காணப்படுகின்றன. அல்லது வீச்சம் 25 ஆகக் காணப்படுகிறது.

இதில் மாற்றம் செய்து 'சுப்பர் பாஸ்' அல்லது 'உயர் சித்தி' என்றவாறு அறிமுகப்படுத்தத் திட்டமிடப்படுகிறது.

'டபிள்யூ' சித்தியைப் பொருத்தவரை 0 முதல் 34 வரை வீச்சம் காணப்படுகிறது. இங்கேயும் 34 புள்ளி பெற்ற ஒருவரையும் 3 அல்லது 4 புள்ளியைப் பெற்ற ஒருவரையும் ஒரே குறியீட்டால் காட்டுவது நல்லதல்லவென்றும், 25 முதல் 34 வரை புள்ளிகளைப் பெற்றவருக்கு 'என்' (N) சித்தி வழங்கப்பட வேண்டுமென அறிவுறுத்தப்படுகிறது. 'என்' என்பது அண்மித்த சித்தி எனக் கொள்ளப்படும்.

ஆபாச இணையத்தளங்கள் செல்போனில் தடை

2010-05-29T20:07:00.000+03:00

கையடக்க தொலைபேசி மூலமான ஆபாச இணையத்தளங்களைத் தடை விதிக்க கொழும்பு சிறுவர் நீதிமன்றம் நேற்று உத்தரவிட்டுள்ளது பெண்கள் மற்றும் சிறுவர் பாதுகாப்பு பிரிவு பொலிஸார் ஆபாச இணையதளங்களை சிறுவர்கள் கையடக்க தொலைபேசி ஊடாக பார்ப்பதை தடை செய்யக் கோரி வழக்கு ஒன்றை பதிவு செய்தனர் இது தொடர்பில் உரிய கையடக்க தொலைபேசி நிறுவனங்களுடன் கலந்துரையாடி நடவடிக்கை எடுக்குமாறு பெண்கள் மற்றும் சிறுவர் பாதுகாப்பு பிரிவு பொலிஸாருக்கு நீதிமன்றம் உத்தரவிட்டுள்ளது.

பெற்றொர்களிடமிருந்து கிடைக்கப்பெற்ற தொடர்ச்சியான முறப்பாடிகளை அடுத்தே இந்த பிரச்சினைக்கு நீதிமன்றம் மூலமாக தீர்வு காணப்பட்டுள்ளது என்று பொலிஸின் பெண்கள் மற்றும் சிறுவர் பிரிவு தெரிவித்தது. இது தொடர்பாக பல பெற்றோர் கருத்து தெரிவிக்கையில் இலங்கை இளம் சமூதாயத்தை அழிவில் இருந்து பாதுகாக்க இந்த உத்தர பெரிய பங்குவகிக்கும் என்று தாம் நம்புவதாக கூறினர்

மட்டக்களப்பில் ஆட்கடத்தல்கள் தொடர்பில் விரிவான விசாரணை

2010-05-06T21:00:00.000+03:00

மட்டக்களப்பில் இடம்பெறும் கடத்தல் சம்பவங்கள் தொடர்பில் பொலிஸார் விரிவான விசாரணைகளை மேற்கொண்டு வருகின்றனர். முழுமையான விசாரணைகளின் பின்னரே உண்மையான அறிக்கைகளை வெளியிடுவதாக மட்டக்களப்புப் பொலிஸார் தெரிவித்துள்ளனர்.

மட்டக்களப்பில் கடந்த வாரம் இடம்பெற்ற கடத்தல் சம்பவங்களால் மக்கள் இன்னமும் பயத்தில் இருப்பதாக தெரிவிக்கும் எமது செய்தியாளர், மட்டக்களப்பு கல்லடி பிரதேசத்திலும் சாதாரண தரம் கற்கும் மாணவர் ஒருவர் கடத்தப்பட்டு பின்னர் தப்பி வந்தத சம்பவம் ஒன்று இடம்பெற்றுள்ளதாகவும் தெரிவித்தார்.

மட்டக்களப்பு நகரில் தொடரும் கடத்தல் சம்பங்களால் பாடசாலை மற்றும் தனியார் வகுப்புக்களையும் மாணவர்கள் பயத்தினால் புறக்கணித்து வருவதாகவும் தெரிவித்தார்.

G.C.E (O/L) பரீட்சையில் தேசிய மட்டத்தில் 4ம் இடத்தை பெற்ற மாணவன் கௌரவிப்பு

2010-05-01T19:30:00.000+03:00

கல்முனை கார்மேல் பாத்திமா கல்லுரியைச் சேர்ந்த வரதராஜன் ரிகேஸ் எனும் மாணவன் கல்விப் பொதுத் தராதர சாதாரண தரப் பரீட்சையில் அகில இலங்கை மட்டத்தில் 4ம் இடத்தைப் பெற்றுள்ளார். மட்டக்களப்பு இராம கிருஸ்ண மிசனின் பழைய மாணவனானஇவரின் திறமையை பாராட்டி கௌரவிக்கும் முகமாக சுவாமி அஜராத்மானந்தா ஜீ அவர்கள் வீசேட நிகழ்வொன்றை ஏற்பாடு செய்து அவருக்கு பரிசில் பொருட்களையும் வழங்கினார்.

சுவாமி அஜராத்மானந்தா ஜீ அவருக்கு பரிசு வழங்குவதையும் தந்தையார் வரதராஜன் உரையாற்றுவதையும் இல்ல மாணவர்களையும் படங்களில் காணலாம்.

அம்பாறையில் ஆளும் கட்சிக்கு அதிக ஆசனங்கள்

2010-05-01T19:11:00.000+03:00

திகாமடுல்ல (அம்பாறை) மாவட்டத்தில் ஐக்கிய மக்கள் சுதந்திர முன்னணி அதிக ஆசனங்களாக நான்கு ஆசனங்களை கைப்பற்றியுள்ளது.

ஐக்கிய தேசியக் கட்சிக்கு இரு ஆசனங்களும் தமிழ்த் தேசியக் கூட்டமைப்புக்கு ஒரு ஆசனமும் கிடைத்துள்ளது.

ஐ.ம.சு.மு.வில் பெரும்பான்மையினத்தைச் சேர்ந்த மூவரும் முஸ்லிம் ஒருவரும் வெற்றி பெற்றுள்ளதுடன் ஐக்கிய தேசியக் கட்சியில் கல்முனை மேயர் ஹரீஸூம், பைசல் காசிமும் வெற்றி பெற்றுள்ளனர்.

ஐரோப்பிய நாடுகளுக்குப் பொதிகளை அனுப்ப வேண்டாம் : தபால் மா அதிபர் அறிவிப்பு

2010-04-21T22:41:00.001+03:00

ஐரோப்பிய நாடுகளுக்கு மறு அறிவித்தல் வரை தபால் மற்றும் பொதிகளை அனுப்ப வேண்டாம் என தபால் மா அதிபர் எம்.கே.பி. திசாநாயக்க அறிவித்துள்ளார்.

ஐஸ்லாந்தில் எரிமலைக் குமுறல் தொடர்கின்ற நிலையில், ஐரோப்பாவின் முக்கிய நகரங்களுக்கான இருவழி விமானசேவைகள் காலவரையறையின்றி ரத்துச்செய்யப்பட்டுள்ளதுடன், சில விமான நிலையங்களும் ஸ்தம்பித நிலையை அடைந்துள்ளன.

இந்நிலையில், குறித்த நாடுகளில் உள்ள தமது உறவினர்கள், நண்பர்களுக்கு வான் கடிதம் மற்றும் பொதிகளை பொது மக்கள் தொடர்ச்சியாக அனுப்பிவருகின்றனர். ஆயினும், கொழும்பிலிருந்து விமான சேவைகள் இடம்பெறாமையால் அத்தபால்கள் சம்பந்தப்பட்ட தபால் பரிவர்த்தனை நிலையங்களில் தேங்கிக் கிடக்கின்றன.

எனவே, விமான சேவைகள் வழமைக்குத் திரும்பும் வரையில் பிரித்தானியா, இத்தாலி, நெதர்லாந்து, நோர்வே, ஸ்பெயின், ரஷ்யா, சுவீடன், சுவீட்சர்லாந்து, ஜேர்மன் போன்ற நாடுகளுக்கு வான் கடிதம் (எயார் மெயில்) மற்றும் பொதிகளை அனுப்புவதைத் தவிர்த்துக் கொள்ளுமாறு தபால் மா அதிபர் கேட்டுக்கொண்டுள்ளார்.

கலைமாணி பட்டதாரியான விழிப்புலனற்ற மாணவிக்கு மட்டக்களப்பில் பாராட்டு..!

2010-04-21T22:39:00.000+03:00

விழியிருந்தும் பாடசாலைகளுக்கு செல்ல மறுக்கும் நம்மவர் மத்தியில், பிறப்பிலேயே பார்வையிழந்த மாணவி ஒருவர், பல்கலைக்கழகம் சென்று, சிறப்புப் பட்டம் பெற்று வெளியேறிய சம்பவம் ஒன்று இடம்பெற்றுள்ளது.

மட்டக்களப்பு தரிசனம் விழிப்புலனற்றோர் பாடசாலையில் கல்வி பயின்ற புஷ்பலோஜினி என்ற மாணவி கிழக்குப் பழ்கலைக்கழகத்தில் அரசியல்-விஞ்ஞான துறையில் சிறப்புப் பட்டத்தைப் பெற்று கலைமாணி பட்டதாரியாக வெளியேறியுள்ளார்.

இவரைப் பாராட்டிக் கௌரவிக்கும் வைபவம் நேற்று காலை மட்டக்களப்பு தரிசனம் பாடசாலை மண்டபத்தில், அதன் தலைவர் எஸ்.ரவீந்திரன் தலைமையில் நடை பெற்றது.

மட்டக்களப்பு ஸ்ரீ இராமகிருஷ்ண மிஷன் தலைவர் சுவாமி அஜராத் மஹானந்த ஜீ , மட்டக்களப்பு பிரதேச சபை செயலாளர் கலாமதி பத்மராஜா உட்பட பலர் இந்நிகழ்வில் கலந்து கொண்டனர்.

கல்முனை சந்தான ஈஸ்வரர் ஆலய தேர் பவனி

2010-04-16T21:05:00.000+03:00

கல்முனை நகர் அருள்மிகு சந்தானஈஸ்வரர் ஆலய வருடாந்த தேர்பவனி

பிரேஸிலில் ஏற்பட்ட மண்சரிவில் இறந்தவர்களின் எண்ணிக்கை 246-ஆக அதிகரிப்பு

2010-04-16T20:43:00.001+03:00

பிரேசில் நாட்டின் ரியோ டி ஜெனிரோவில் கடந்த வாரம் பயங்கர மண்சரிவூ ஏற்பட்டது. மலையடிவாரத்தில் இருந்த வீடுகளை மண்மூடியதால் ஏராளமானோர் உயிரிழந்தனர்.

இந்த நிலையில் அங்கு மீட்புப் பணிகள் நடந்து வந்தன. செவ்வாய்க்கிழமை மீட்புப் பணி நடந்தபோது அங்கு மேலும் சிலரின் உடல்கள் கண்டெடுக்கப்பட்டன. இதைத் தொடர்ந்து மரணித்தவர்களின் எண்ணிக்கை 246-ஆக உயர்ந்தது.

மேலும் நிடோரய் பகுதியில் காணாமல் போன 200 பேரின் உடல்களைத் தேடும் பணி தொடர்ந்து நடைபெற்று வருகிறது. இந்த நிலச்சரிவில் ரியோ டி ஜெனிரோவில் அமைக்கப்பட்டிருந்த 80 ஆண்டு கால பழமையான கிறிஸ்து சிலை உடைந்தது.

கிறிஸ்து சிலை அமைந்துள்ள பூங்கா மண்மூடி காணப்படுவதால் பூங்கா மூடப்பட்டுள்ளது. பூங்காவுக்குச் செல்லும் ரயில் பாதையும் மண்சரிவால் மூடப்பட்டுள்ளது.

இந்த கிறிஸ்து சிலையைக் காண ஆண்டுதோறும் 20 லட்சம் பயணிகள் வந்தனர் என்பது குறிப்பிடத்தக்கது

இலங்கை அரசாங்கம் மனித உரிமைகளை மதிக்க வேண்டும் : ஹிலாரி கிளின்டன்

2010-04-16T20:39:00.000+03:00

இலங்கையில் மனித உரிமைகள் மதிக்கப்பட வேண்டும் என அமெரிக்கவின் இராஜாங்க செயலாளர் ஹிலாரி கிளின்டன் வலியுறுத்தியுள்ளார்.

இது தொடர்பில் நேற்று கொழும்பில் உள்ள அமெரிக்க தூதரகம் வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

பல தசாப்தங்களாக யுத்தத்தால் பாதிக்கப்பட்ட மக்களின் உரிமைகளை காப்பதில் அரசாங்கம் கவனத்துடன் செயல்பட வேண்டும் என அவர் கோரிக்கை விடுத்துள்ளார்.

அனைத்து மக்களும் ஒன்றிணைந்த ஒரே இலங்கைக்குள் சமாதானமாக வாழக்கூடிய சூழ்நிலை ஏற்பட்டுள்ளது.

இந்த நிலையில் அரசாங்கம் உரிமைகளுக்கு மதிப்பளிக்காமையானது நாட்டில் மீண்டும் பிரிவினையை ஏற்படுத்தும் எனவும் அவர் தெரிவித்துள்ளார்.

இதற்கிடையில் இலங்கையின் அபிவிருத்தி முன்னெடுப்புகளில் பங்கெடுத்து, சிறந்த தோழமை நாடாக செயல்பட அமெரிக்கா தயாராக இருப்பதாகவும் அவர் குறிப்பிட்டுள்ளார்.

காவல்துறையினருக்கு எதிராக பௌத்த பிக்குகள் மனித உரிமை ஆணையகத்தில் முறைப்பாடு

2010-04-07T20:38:00.001+03:00

காவல்துறையினருக்கு எதிராக பௌத்த பிக்குகள் மனித உரிமை ஆணையகத்தில் முறைப்பாடு செய்துள்ளதாகத் தெரிவிக்கப்படுகிறது.

ஜெனரல் சரத் பொன்சேகாவை விடுதலை செய்யுமாறு கோரி சாகும் வரையில் உண்ணாவிரதப் போராட்டமொன்றை தொடர்ந்த பௌத்த பிக்குகளை காவல்துறையினர் பலவந்தமாக கலைத்ததாக தெரிவிக்கப்படுகிறது.

மனிதாபிமான மற்ற வகையில் காவல்துறை உத்தியோகத்தர்கள் தங்களை கைது செய்ததாக பௌத்த பிக்குகள் மனித உரிமைகள் ஆணையகத்தில் குறிப்பிட்டுள்ளனர்.

காவல்துறை மா அதிபர் மஹிந்த பாலசூரிய, கல்கிஸ்ஸ மற்றும் புறக்கோட்டை காவல் நிலையப் பொறுப்பதிகாரிகள் உள்ளிட்டோருக்கு எதிராக முறைப்பாடு செய்யப்பட்டுள்ளது.

கடுமையான சொற் பிரயோகங்களை பயன்படுத்தி பலவந்தமாக தங்களை சிவில் உடையணிந்த காவல்துறையினர் இழுத்துச் சென்றதாக பௌத்த பிக்குகள் குறிப்பிட்டுள்ளனர்.

சாகும்வரையில் உண்ணாவிரதமிருந்த பௌத்த பிக்குகள் இன்று காவற்துறையினரால் கலைக்கப்பட்டுள்ளனர் :

05 April 10 09:59 am (BST)

கைது செய்யப்பட்டு தடுத்து வைக்கப்பட்டுள்ள ஜெனரல் சரத்பொன்சேக்காவை விடுதலை செய்யும்படி சாகும்வரையில் உண்ணாவிரதமிருந்த பௌத்த பிக்குகள் இன்று காவற்துறையினரால் கலைக்கப்பட்டுள்ளனர்.

கைது செய்யப்பட்டு தடுத்து வைக்கப்பட்டுள்ள முப்படைகளின் முன்னாள் பிரதானியும், முன்னாள் இராணுவத்தளபதியுமான ஜெனரல் சரத்பொன்சேக்காவை உடனடியாக விடுதலைச் செய்யக்கோரி நேற்று முன்தினம் இந்த சாகும்வரையிலான உண்ணாவிரதப் போராட்டம் கொழும்பு கோட்டை புகையிரத நிலையத்திற்கு முன்னால் ஆரம்பிக்கப்பட்டது.

தேசிய பிக்குமார் முன்னணியைச் சேர்ந்த நான்கு தேரர்கள் இந்த சாகும்வரையிலான உண்ணாவிரதப்போராட்டத்தை மேற்கொண்டனர்.

உண்ணாவிரதம் ஆரம்பிக்கப்பட்ட தினத்தன்றே பிக்குகளை காவற்துறையினர் கலைக்க முற்பட்ட போதும் அது கைக்கூடாது போகவே பிக்குமார் தொடர்ந்தும் உண்ணாவிரதமிருந்தனர்.

இந்த நிலையில் நீதிமன்ற உத்தரவிற்கு அமைய உண்ணாவிரதமிருந்த பிக்குகள் இன்று மதியம் கலைக்கப்பட்டுள்ளனர்.

இன்று இந்;த உண்ணாவிரதத்தையும் உண்ணாவிரத மேடையையும் அகற்றுவதற்காக காலையிலேயே காவற்துறையினர் கோட்டை புகையிர நிலையத்தை சுற்றிலும் நிறுத்தப்பட்டிருந்தனர்.

சுமார் 200 காவற்துறையினர்; வரை இந்தப் பகுதியில் குவிக்கப்பட்டனர். இதனால் இன்று காலை கோட்டை புகையிரத நிலையமே பரபரப்பில் காணப்பட்டது.

இதனைத் தொடர்ந்து இன்று பிற்பகல் 1 மணியளவில் காவற்துறையினர் உண்ணாவிரதத்தை மேற்கொண்ட பிக்குகளிடம் உண்ணாவிரதத்தை கைவிட்டுச் செல்லுமாறு பணித்துள்ளனர்.

அவர்கள் இதனை மறுக்கவே காவற்துறையினர் தேரர்களை பலவந்தமாக அப்புறப்படுத்த வேண்டிய நிலையேற்பட்டது.

இதற்காக மூன்று பஸ்வண்டிகளில் வந்த சிவில் உடையணிந்த சிலரின் உதவியுடன் காவற்துறையினர் தேரர்களை அப்புறப்படுத்தியுள்ளனர். இதன் போது கூச்சலிட்ட தேரர்கள் எங்களை அப்புறப்படுத்த நீங்கள் யார்?, காவற்துறையினரா? என பாரிய கூச்சலுடன் கேள்வி எழுப்பினர்.

எனினும் இதனையெல்லாம் பொருட்படுத்தாக சிவில் உடையணிந்த நபர்கள் தேரர்களை இழுத்துச் சென்று பஸ்வண்டியினுள் ஏற்றியுள்ளனர். இதன் போது சில தேரர்கள் சிவில் உடையணிந்தவர்களினால் தாக்குதலுக்கும் உள்ளாகியதாக சம்பவத்தை நேரில் பார்த்தவர்கள் சிலர் குறிப்பிட்டனர்.

இதனைத் தொடர்ந்து உண்ணாவிரதமிருந்து நான்கு தேரர்களும் அவர்களுக்கு ஆதரவாக அங்கு குழுமியிருந்த தேரர்களுமென பலர் பஸ்வண்டிகளில் ஏற்றப்பட்டு கொண்டுசெல்லப்பட்டுள்ளனர். இதனைத் தொடர்ந்து அவர்கள் அமைத்திருந்த உண்ணாவிரத மேடை காவற்துறையினரினால் அப்புறப்படுத்தப்பட்டதுடன், மேடை அமைக்கப்பட்டிருந்த பொருட்கள் காவற்துறை வண்டிகளில் ஏற்றிச் செல்லப்பட்டுள்ளது.

இந்த சம்பவத்தின் போது இந்த உண்ணாவிரதத்தை நிறுத்துமாறு நீதிமன்றம் ஆணை வழங்கியதாக தெரிவித்த காவற்துறையினர் அந்த உத்தரவிற்கான பத்திரம் எதையும் தேரர்களிடம் காண்பிக்கவில்லை என்பதும் இங்கு சுட்டிக்காட்டத்தக்கது.

எகோன் தடை, சிரச தாக்குதல் மற்றும் அரசியலில் பௌத்தம் ‐ GTNற்காக சுனந்த தேசப்பிரிய

2010-04-04T01:16:00.001+03:00

எகோன் என்ற செனகல் நாட்டு பாடகர் இலங்கைக்கு விஜயம் செய்வதை அரசாங்கம் தடைசெய்தது. உண்மையில் இந்த தடையானது இலங்கையில் ஆட்சி செய்யும் ஜனநாயகமற்ற நிர்வாகத்தினை வெளிகாட்டியுள்ளது இந்த நடவடிக்கை புத்த தர்மத்தை பாதுகாப்பதற்காக எடுக்கப்பட்ட நடவடிக்கையல்ல இது ஒரு அரசியல் நடவடிக்கையாகும். அடிப்படைவாத சக்திகளிடம் அடிப்பணிதலாகும். அடிப்படைவாதம் என்ற பழமைவாத்திற்காக சமயம் அரசியலாக்கப்பட்டுள்ளது. அத்துடன் மதம் என்ற போர்வையில் சுதந்திரமான நிலைப்பாடுகளை கொண்டுள்ளவர்களை அழிப்பதாகும். இந்தத் தடைக்கு முன்னர் எகோனின் இசை நிகழ்ச்சிக்குப் பின்னணியில் இருப்பதாகப் புனைப்பட்ட கதையின் அடிப்படையில் சிரச ஊடக வலையமைப்பின் மீது அடிப்படைவாதிகள் கற்களைக் கொண்டுத் தாக்குதல் நடத்தினர். நான் எகோனின் ரசிகனல்ல. எனக்கு ரெப் என்று கூறப்படும் ஆங்கிலப் பாடல்கள் விளங்குவதில்லை. அவரது பாடலை மதிப்பதற்காகவோ அல்லது விவாதத்திற்கு உள்ளாகியிருக்கும் பாடலின் பின்னணிக் காட்சிகளை மதிப்பதற்காகவோ நான் இந்தத் தடை குறித்து எழுதவில்லை. எகோனின் தடை என்ற சுவிசேசமான சம்பவம் குறித்து நான் எழுதவில்லை. அதன்மூலம் ஏற்படுத்தப்பட்டிருக்கும் அரசியல் சமிக்ஞை குறித்தே நான் எழுதுகிறேன்.

நாம் வாழும் உலகம் எந்தவொரு கருத்தியலுக்கும், நோக்கத்திற்கும் அல்லது மதத்திற்கு உரியதல்ல. மனித அபிவிருத்தியில் நாம் வாழும் யுகம், பிரஜைகளின் உரிமை மற்றும் சுதந்திரத்தை அடிப்படையாகக் கொண்ட ஜனநாயக யுகமாகும். மத நம்பிக்கை காரணமாகவோ மத நம்பிக்கையற்ற காரணத்தினாலோ மனிதர்கள் புறந்தள்ளப்பட்டனர். சிறைவைக்கப்பட்ட மற்றும் கொல்லப்பட்ட யுகங்கள் எமக்குப் பின்னால் இருக்கின்றன.

அரசியல்வாதிகள் மற்றும் அரசியல் நிலைப்பாடுகள் அவற்றை கடுமையாக விமர்சித்து அதனை நகைப்பிற்குள்ளாக்கி தடை செய்வது ஜனநாயக சமுகத்தில் காணப்படாத அடையாளமாகும். இவ்வாறான நிலையில் ஒரு மதத்தை விமர்சிப்பது அதனை அவதூறுக்கு உள்ளாக்குவது மாத்திரம் ஏன் தடை செய்யப்பட வேண்டும் என்பதை என்னால் புரிந்துகொள்ள முடியவில்லை.

எகோனின் பாடலொன்றில் புத்த பகவானுக்கு எதிரில் உள்ளாடையை மாத்திரம் அணிந்து பெண் ஒருவர் நடனமாடுவது காரணமாகவே அவர் இலங்கைக்கு வருவது தடை செய்யப்பட்டதாகக் கூறப்படுகிறது. இந்தப் பின்னணிக் காட்சிகள் சிறந்தது என நினைக்காத பலர் எமது சமுகத்தில் இருக்கக்கூடும். எனினும், இந்தக் காட்சிகள் காரணமாக எகோன் என்ற கலைஞனுக்கு இலங்கைக்கு வருவது தடை செய்யப்பட்டதை நான் ஏற்றுக்கொள்ளவில்லை.

இந்தக் காட்சிகளினால் புத்த தர்மத்திற்கு பாதிப்பு எதுவும் ஏற்படாது. இந்த பின்னணி காட்சிகள் புத்த தர்மத்திற்கெதிராக மேற்கொள்ளப்படும் எதிர்ப்புவாதமல்ல. அனைத்துப் பொருட்களும் வர்த்தகப் பொருட்களாக மாறும் தற்போதைய காலத்தில் ஒரு பாதிப்பாகும். இந்தக் காரணத்தின் அடிப்படையில் எகோன் என்ற பிரபல கலைஞன் இலங்கைக்கு வருவதைத் தடை செய்ததன் மூலம் இலங்கை அரசாங்கம் புத்த தர்மத்தில் கூறப்பட்டுள்ள பொறுமை, கருணை என்பவற்றை வெளிப்படுத்தவில்லை. இதன்மூலம் இலங்கை எழுத்தாளர்கள், கலைஞர்கள், தண்டனைக்குட்படுத்தும் அடிப்படைவாத நாடு என்பதை இலங்கை ஆட்சியாளர்கள் உலகத்திற்கு கூறியுள்ளனர்.

இலங்கையில் தற்போது நடைமுறையிலிருக்கும் இந்த அடிப்படைவாத சக்திகளை நோக்கும்போது மதத்தில் கற்பிக்கப்படும் பல விடயங்கள் பொய்யானது என பகிரங்கமாக சவாலுக்கு உட்படுத்திய இலங்கையரான எப்ராஹிம் ரி கொவுர் இன்று உயிருடன் இருந்திருந்தால் அவர் மீதும் கல் எறிந்து கொலை செய்திருப்பர். அல்லது நாட்டிலிருந்து விரட்டியடிக்க வாய்ப்பிருந்திருக்கும்.

இலங்கை அரசாங்கம் ஆரம்பித்துள்ள சுற்றுலாப் பயணிகளைக் கவர்ந்திழுக்கும் மாபெரும் வேலைத் திட்டத்தின் பகுதியாக சுற்றுலா அமைச்சும், எயார் லங்கா விமான சேவையும் எகோனை இலங்கைக்கு வரவழைக்கும் நடவடிக்கைகளில் தலையிட்டது என்பது இரகசியமான ஒன்றல்ல.

சிரச ஊடகத்தின் யெஸ் எவ்.எம். வானொலியே இந்த நிகழ்ச்சியுடன் சம்பந்தப்பட்டது. இவ்வாறு இருக்கும் நிலையில் அடிப்படைவாதிகளின் எகோன் எதிர்ப்பை அரசாங்கம் பிரயோஜனப்படுத்தி கட்டளைக்கு ஓரளவேனும் சவால் விடுக்கும் பிரபல தொலைக்காட்சி வலையமைப்பான சிரச மீது தாக்குதல் நடத்தும் சந்தர்ப்பமாக அதனை மாற்றிக்கொண்டது.

பௌத்த தர்மத்தை பாதுகாக்கும் பெயரில் கூலிக்கு மாரடிப்போரை களனியிலிருந்து அழைத்துவந்து சிரச ஊடக வலையமைப்பின் பிரதான அலுவலகம் மீது இதன் காரணமாகவே கற்களைக் கொண்டு தாக்குதல் நடத்தப்பட்டது. வன்முறையாளர்களைக் காவல்துறையினர் நீதிமன்றத்தில் ஆஜர்படுத்தாமலே பிணையில் விடுதலை செய்தனர். (சிங்கள பௌத்த மக்களின் யுத்த வீரரான ஜெனரல் சர்த பொன்சேக்காவை விடுதலை செய்யுமாறு கோரி அமைதியாக ஆர்ப்பாட்டத்தில் ஈடுபட்டோரை பல சந்தர்ப்பங்களில் காவல்துறையினர் நீதிமன்றத்தில் ஆஜர்படுத்தியதுடன் அவர்களுக்கு பிணை வழங்க வேண்டாம் எனவும் கோரியிருந்தனர் என்பதைக் கூறவேண்டும்.)

எகோன் தடை குறித்த உண்மைக் கதையை உணர்ந்துகொள்ள அரசியல் மயப்படுத்தப்பட்ட காவல்துறையினரின் இந்த நடவடிக்கை ஒரு சந்தர்ப்பத்தைப் பெற்றுக்கொடுத்துள்ளது. காவல்துறையினரின் இந்த நடவடிக்கையானது தாக்குதலை நடத்தியது வன்முறையாளர்கள் அல்ல அதன் பின்னணியில் அரசியல் சக்திகள் இருக்கின்றது என்பதை வெளிக்காட்டியுள்ளது.

எகோனின் தடை மாத்திரமல்லாது சிரச வலையமைப்பின் மீதான தாக்குதல் என்பன புத்த தர்மத்தைப் பாதுகாப்பதற்காக மேற்கொள்ளப்படவில்லை. அது அரசியல் நடவடிக்கைக்காக மேற்கொள்ளப்பட்ட நடவடிக்கையாகும். புத்த தர்மம் அகிம்சையைப் போதிக்கும் மதமாகும். பட்டப்பகலில் ஊடக நிறுவனம் மீது கல் வீச்சுத் தாக்குதல் நடத்துவது புத்த தர்மத்தைப் பாதுகாப்பதல்ல. அதனை அவதூறுக்கு உட்படுத்துவதாகும்.

எகோனின் தடையானது பொதுத் தேர்தல் சந்தர்ப்பத்தில் வாக்குகளைக் கவருவதற்காக மேற்கொள்ளும் நடவடிக்கையே அன்றி வேறில்லை. யுத்த காலத்தில் வளர்ச்சியடைந்த இலங்கை அரசியல் புத்த தர்மத்தின் அதிகாரத்தையே எமக்கு இது சுட்டிக்காட்டுகிறது. அனைத்து சந்திகளிலும் முச்சக்கர வண்டி சங்கத்தினர் மற்றும் காவல்துறையினர் இணைந்து புத்த சிலைகளை நிறுவனர். காலையிலும், மாலையிலும் உபதேசங்கள் ஆரம்பிக்கப்பட்டன. வைத்தியசாலை, பாடசாலை என அனைத்துப் பொது இடங்களிலும் ஜனாதிபதி, பிரதமர் ஆகியோரது படத்துடன் புத்த பகவானின் படங்களும் காட்சிப்படுத்தப்படும் நடவடிக்கைகள் ஆரம்பிக்கப்பட்டன.

புத்த தர்மம் அரசியல்வாதிகளினால் ஆட்டுவிக்கப்படும் சக்தியாக மாற்றப்பட்டது. இவை சகலவற்றுக்கு மத்தியில் இலங்கையின் தூர இடங்களில் பௌத்த தேரர்கள் இல்லாததால் விகாரைகளை மூடும் நிலைமை ஏற்பட்டுள்ளது. அரசியல் புத்த தர்மத்தின் மூலம் எமது சமுகம் எவ்வித சிறந்த குண இயல்புகளைக் கொண்ட சமுகமாக மாற்றப்படவில்லை என்பதை நாம் அனைவரும் அறிவோம்.

பௌத்த தர்மம் அரசியல் தேவைக்காக சமுக நிர்வாக வழிமுறையாக அரசியல் புத்த தர்மமாக மாறியது மாத்திரமே ஒரேயொரு வளர்ச்சியாகும். நல்லாட்சிக்காக நடத்தப்படவிருந்த சங்க சம்மேளனத்தின் மீது குண்டுத் தாக்குதல் நடத்தவிருந்ததும், எகோனின் இசை நிகழ்ச்சி மீது குண்டுத் தாக்குதல் நடத்த வாய்ப்பிருந்ததும் இந்த அரசியல் பௌத்த நிலைப்பாடுகளின் அடிப்படையிலாகும். இதன்நோக்கம் சமுகத்தில் தமது நிர்வாகத்தை அசையாது ஸ்தாபிப்பதாகும். எகோனின் தடையும் இந்த ஒருதலைப்பட்ச அரசியல் திட்டத்தின் ஒருபகுதியாகவே நான் காண்கின்றேன்.

‐ சுனந்த தேசப்பிரிய

சரத் பொன்சேகாவை விடுதலை செய்யுமாறு கோரி பௌத்த பிக்குகள் சாகும் வரையில் உண்ணாவிரதம்

2010-04-04T01:14:00.001+03:00

ஜெனரல் சரத் பொன்சேகாவை விடுதலை செய்யுமாறு கோரி பௌத்த பிக்குகள் சாகும் வரையில் உண்ணாவிரதமொன்றை ஆரம்பித்துள்ளனர்.

ஜே.வி.பி.கட்சிக்கு ஆதரவான பௌத்த பிக்குகளே இவ்வாறு உண்ணாவிரதப் போராட்டத்தை ஆரம்பித்துள்ளனர்.

ஆயுதக் கொள்வனவு நடவடிக்கைகளின் போது சரத் பொன்சேகா ஊழல் மோசடியில் ஈடுபட்டதாக குற்றம் சுமத்தப்பட்டுள்ளது.

தமது கோரிக்கைகளை அரசாங்கம் நிறைவேற்றும் வரையில் உண்ணாவிரதம் தொடரும் என போராட்டத்தில் கலந்து கொண்டுள்ள பௌத்த பிக்குகள் குறிப்பிட்டுள்ளனர்.

வாக்காளர் அட்டை விநியோகம் இன்று ஆரம்பம் _

2010-03-23T04:30:00.001+02:00

எதிர்வரும் ஏப்ரல் மாதம் நடைப்பெற உள்ள பொது தேர்தலுக்கான வாக்காளர் அட்டை விநியோக நடவடிக்கைகள் இன்று ஆரம்பமானது என தேர்தல் திணைக்களம் தெரிவித்துள்ளது. இம் மாதம் 31ஆம் திகதிவரை வாக்காளர் அட்டைகளை விநியோகிப்பதற்கு திட்டமிடப்பட்டுள்ளதாகவும் தெரிவித்துள்ளது.

நாட்டின் 22 தேர்தல் மாவட்டங்களையும் சேர்ந்த தெரிவத்தாட்சி அலுவலர்களினால் அந்தந்த மாவட்டங்களைச் சேர்ந்த வாக்காளர்களுக்கான வாக்காளர் அட்டைகள் தபால்திணைக்கள அதிகாரிகளிடம் இன்று கையளிக்கப்படவுள்ளதாக தேர்தல்கள் செயலகம் தெரிவித்துள்ளது.

இதனை தொடர்ந்து பாராளுமன்றத் தேர்தலுக்கான தபால்மூல வாக்களிப்பு இம்மாதம் 25ஆம், 26ஆம் திகதிகளில் இடம்பெறவுள்ளதோடு, நாடளாவிய ரீதியில் 4 லட்சத்து 15ஆயிரத்து 430பேர் தபால்மூல வாக்களிப்புக்காகத் தகுதிபெற்றுள்ளனர் என தேர்தல் திணைக்களம் தெரிவித்துள்ளது.

கோப்பாய் பிரதேசத்தில் கிரிக்கட் போட்டியொன்றில் இடம்பெற்ற மோதல் சம்பவத்தில் மாணவர் ஒருவர் பலி

2010-03-23T04:15:00.001+02:00

கோப்பாய் பிரதேசத்தில் நடைபெற்ற கிரிக்கட் போட்டியொன்றின் போது ஏற்பட்ட கைகலப்பில் மாணவர் ஒருவர் பரிதாபமாக பலியாகியுள்ளார்.

மோதலின் போது ஏற்பட்ட காயத்தினால் குறித்த மாணவர் உயிரிழந்துள்ளார்.

கடந்த 14ம் திகதி இந்த கைகலப்பு சம்பவம் பதிவாகியுள்ளதென காவல்துறை ஊடகப் பேச்சாளர் பிரசாந்த ஜயகொடி தெரிவித்துள்ளார்.

இந்த சம்பவத்துடன் தொடர்புடைய ஐந்து பேரை காவல்துறையினர் கைது செய்துள்ளனர்.

கைது செய்யப்பட்டவர்களில் மூவர் எதிர்வரும் 24ம் திகதி வரையில் விளக்கமறியலில் வைக்கப்பட்டு, யாழ்ப்பாண நீதிமன்றில் ஆஜர்ப்படுத்தப்படவுள்ளனர்.

சிரச , M.T.V மீது தாக்குதல்

2010-03-23T03:11:00.000+02:00

மகாராஜா தனியார் நிறுவனத்தின் தலைமையகம் இன்று இனம்தெரியாத குண்டர்களின் தாக்குதலுக்கு இலக்காகியுள்ளது. இலங்கையின் சிரச சக்தி அலைவரிசைகளுக்கான எம்.டி.வி மற்றும் எம்.பி.சி ஊடகவலையமைப்புக்களைக் கொண்டுள்ள மகாராஜா நிறுவனம் இன்று மாலை தாக்குதலுக்குள்ளாக்கப்பட்டுள்ளதாக தெரிவிக்கப்படுகின்றது.

கொழும்பு 02 இல் உள்ள சிரச மற்றும் சக்தி அலைவரிசையின் தலைமையகத்தின் மீதே இந்த தாக்குதல் மேற்கொள்ளப்பட்டுள்ளது. அரசாங்கத்தில் அங்கம் வகிக்கும் அமைச்சர் ஒருவரின் ஆதரவாளர்கள் மற்றும் குண்டர்களினால் இந்த தாக்குதல் சம்பவம் மேற்கொள்ளப்பட்டுள்ளதாகவும் தெரிவிக்கப்படுகின்றது.

சுமார் 20 ற்கும் மேற்பட்ட காடையர்கள் குழுவொன்று மகாராஜா நிறுவனத்தின் தலைமையகத்தை முற்றுகையிட்டதுடன் தக்குதல்களையும் மேற்கொண்டுள்ளது.

இந்த தாக்குதல் சம்பவத்தினால் மகாராஜ நிறுவனத்தின் கட்டிடங்களுக்கு சேதம் ஏற்பட்டுள்ளதாகவும் தெரிவிக்கப்படுகின்றது.

இந்த சுற்றிவளைப்பைத் தொடர்ந்து நிறுவனத்தில் பணிபுரியும் ஊழியர்கள் மிகவும் பயத்துடனும் பீதியுடனும் காணப்பட்டதாக அங்கிருந்து கிடைக்கும் தகவல்கள் தெரிவிக்கின்றன.

சம்பவத்தைத் தொடர்ந்து அப்பகுதிக்கு விரைந்த பொலிஸார் குறித்த காடையர் குழுவை கைது செய்ததாகவும் செய்திகள் தெரிவிக்கின்றன.

தொடரும் சுதந்திர ஊடகங்களிற்கு எதிரான தாக்குதல்.

கொழும்பு, கொம்பனித் தெரு பிறேபுரூக் பிளேசிலுள்ள மகாராஜா நிறுவனத்தின் சிரச வலையமைப்பு (சக்தி தொலைக்காட்சி) தலைமை அலுவலகம் மீது சற்று முன்னர் தாக்குதல் நடத்தப்பட்டுள்ளது. கங்காராமை பக்கமிருந்து வந்த 100 பேர் கொண்ட பிரதி அமைச்சர் ஒருவரின் ஆதரவாளர்கள் கற்களை வீசி இத்தாக்குதலை நடத்தியுள்ளதாகத் தெரிவிக்கப்படுகிறது.

ஓர் கட்சி ஆதரவாளர்கள் எனப்படும் குண்டர்களால் வீசப்பட்ட கற்களால் அலுவலகக் கண்ணாடிகள், சொத்துக்கள் மட்டுமன்றி, அங்கு நிறுத்தி வைக்கப்பட்டிருந்த வாகனங்களும் சேதமடைந்துள்ளதுடன், சக்தி நிறுவன ஊழியர்கள் இருவர் காயமடைந்துள்ளதாகவும் அறியப்படுகிறது.

அதேநேரம் தற்பாதுகாப்புக் கருதி சக்தி நிறுவன பாதுகாப்பு ஊழியர்கள் அதே கற்களினால் பதில் தாக்குதலொன்றை குண்டர்களை நோக்கி நடத்தியுள்ளனர்.

தாக்குதலை நடத்தியோரின் பின்னணியில் சண்டித்தனத்துக்குப்பெயர்போன பிரதி அமைச்சர் ஒருவர் இருப்பதாக தகவல்கள் கூறுகின்றன.

சம்பவ இடத்திற்கு விரைந்த பொலிஸார் தற்போது அங்கு பாதுகாப்புக் கடமையில் ஈடுபட்டுள்ளனர். சம்பவம் தொடர்பில் இதுவரை 16 பேரை பொலிஸார் கைது செய்துள்ளதாக பொலீஸ் தரப்பு வட்டாரங்கள் தெரிவித்துள்ளன.

சிரச தொலைக்கட்சி அலுவலகத்தில் சம்பவம் நடைபெற்ற சமயம் 250 பேர்வரை கடமையில் ஈடுபட்டிருந்ததாக அவ்வலையமைப்பு மேலும் தெரிவித்தது.

மகாராஜா நிறுவனம் 3 வானொலி நிலையங்களையும், 3 டெலிவிஷன் நிலையங்களையும் நடத்துகிறது என்பது குறிப்பிடத்தக்கது. அத்துடன் கடந்த ஆண்டு ஜனவரி மாதமும் இவர்களின் ஓர் ஒலிபரப்பு நிலையம் தீக்கிரையாக்கப்பட்ட நிலையில் இதுவரை ஒருவரும் கைது செய்யப்ப்படவில்லை என்பதும் குறிப்பிடத்தக்கது.

தாக்குதல் நடத்தியவர்கள் இந்நிறுவனத்தார் கடந்த வருடம் அரசாங்கத்தினால் முடக்கப்பட்ட தமிழீழ விடுதலைப் புலிகளுக்கு ஆதரவானவர்கள் என்ற கோஷத்துடனேயே தாக்குதல் நடத்தியதாக அறியப்படும் நிலையில், இத் தாக்குதல் நடக்கவிருக்கும் பாராளுமன்ற தேர்தலை ஒட்டி நடைபெற்ற நிலையில், கடந்த ஜனாதிபதி தேர்தல் காலத்திலும் ஊடகவியலாளர்கள் காணமல் போனமை, ஊடகங்க தடை செய்யப்படமை குறிப்பிடத்தக்கது

எமது ஆலயத்திற்கு உங்களது உதவிகள் தேவை படுகின்றன .

2010-03-21T04:47:00.001+02:00

தம்பிலுவில் தாழையடி சிவன் ஆலயம் ,

எமது ஆலயம் தற்போது . . எமது பிரதேச மக்களின் உதவிகளுடன் தற்போது கட்டப்பட்டு வருகின்றது .

எமது ஆலயத்திற்கு உங்களது உதவிகள் தேவை படுகின்றன .

எமது ஆலயத்திற்கு உதவிகள் செய்ய விரும்புவோர் . எமது ஆலயத்தின் நிருவாகத்தை நாடவும் .

"என் கடன் பனி செய்து கிடப்பதே"

Thanks

Photos By - Malarpiriyan

மகா சிவராத்திரி தினம் அனுஷ்டிப்பு _

2010-03-14T06:53:00.001+02:00

இந்துக்களின் மகா சிவராத்திரி விரதம் இன்று அனுஷ்டிக்கப்படுகிறது. மகா சிவராத்திரி விரதத்தை முன்னிட்டு, ஆலயங்கள் தோறும் நான்கு ஜாம காலப் பூசை வழிபாடுகள் நடைபெறும்.

திருக்கேதீஸ்வரம், கொழும்பு ஸ்ரீ பொன்னம்பலவாணேஸ்வரர் ஆலயங்களில் சிவராத்திரி விசேடமாக அனுஷ்டிக்கப்பட்டு வருகின்றமை குறிப்பிடத்தக்கது.

இன்று நாட்டிலுள்ள சகல இந்து ஆலயங்களிலும் நள்ளிரவில் ஒலிபெருக்கி பாவிப்பதற்கான அனுமதி வழங்கப்பட்டுள்ளதாக அகில இலங்கை இந்து மாமன்றம் தெரிவித்துள்ளது.

இதற்கமைய சகல இந்து ஆலயங்களின் பரிபாலகர்களும் தமது பிரதேசத்தின் பொலிஸ் நிலையங்களுடன் தொடர்பு கொண்டு அனுமதியினை பெற்றுக்கொள்ளலாம் என பொலிஸ் திணைக்களம் அறிவித்துள்ளது.

இன்று அரச, வங்கி விடுமுறை தினமாகும்

அன்பையும்,பண்பையும் வளர்த்து உயிர்களிடத்தில் கருணைக்காட்ட வேண்டும் சிவத்தின் தத்துவம்

2010-03-14T06:50:00.000+02:00

சிவனை வழிபட சிவனருள் தான் வேண்டும். மூன்று உலகங்களுக்கும் சிவன் தான் குரு. குருஅருள்தான் திருவருளைக் கூட்டி வைக்கும். குருவை நினைந்து மகிழ்வது, குருவை விழுந்து வணங்குவது, குருவின் கீர்த்திகளைப்பேசி மகிழ்வது, என்னும் இவை குரு அருளைக் கூட்டிவைக்கும் ரசக்குளிகையாகும். பரமேஸ்வரன் தன் பெருமைகளைப் பேசாமல் பேசிக்காட்டியவர். சிவபெருமானாகிய சிவகுரு முனிஸ்ரேஷ்டர்களாகிய நால்வரும் பிருமத்தைத்தேடி பெரும் வாக்கிய உட்பொருள் காண அலைந்தவர்கள். சிவனையே தட்ஷணாமூர்த்தியாக கண்டதும் மனம் நிறைந்தனர்.

தட்ஷணாமூர்த்தியான சிவன் உள்ளத்துள் சிறிதே நகைத்து, முனிவர்களை நோக்கினார், அவர்கள் உள்ளங்களில் சந்தேகங்கள் மறைந்தன. இதனால் தான குருவை “சொல்லாமல் சொன்னவரை நினையாமல் நினைந்து பவத் தொடக்கை வெல்வாம்”, என்பர். இதுதான் குருவின் கருணை. குருவுக்கு இணையான தெய்வமும் இல்லை – தந்தையுமில்லை- உறவுமில்லை-குருவுக்கு சமமான மூர்த்திகளுமில்லை-குருவைவிட உயர்ந்த பதவிகளுமில்லை. அவர்தான் மஹா ஈஸ்வரன் என்றழைக்கப்படும் ; மஹேஸ்வரன்.

சிவநாமம் கற்கண்டு அதை உச்சரிக்க, உச்சரிக்க வாயில் இனிப்புண்டு. ‘சிவா என்பதற்கு பரம மங்களம் என்பது அர்த்தம். பரமேஸ்வரனுடைய நாமாவாகிய “சிவா என்பது வேதத்தின் மத்திய ஸ்தானத்தில் உள்ளது. பாவத்தை ஒரே கணத்தில் துவம்ஸம் பண்ணும் ஒரு வஸ்து உண்டு. அந்த வஸ்த்துவைப் பல இடங்களுக்குபோய் தேட வேண்டாம். இரண்டு எழுத்துக்களான பெயர் அது. சகல வேதங்களின் ஜீவரத்தினம். கோயில்களில் மஹாலிங்கம் போலவும,; தேகத்தில் உயிர் போலவும்,அது வேதங்களின் மத்தியில் உள்ளது. அதை என்ன செய்யவேண்டும்? வாக்கினால் சொல்ல வேண்டும். யார் சொல்ல வேண்டும்? மனிதனாக பிறந்தவன் சொல்ல வெண்டும். ஊமையாக இல்லாத எவரும் சொல்லலாம்.

மண்ணுலக மக்கள் கவலையில்லாமல் நிம்மதியாக வாழ்ந்தும், தம்பிறவிப்பயனை பெற்றுய்ய வழியில்லையா? அறியாமற் செய்த பாவங்களின் பயனால் வந்துத்தடுக்கும் துன்பங்களில் இருந்து, மீள முடியாதா? செல்வம்,பலம்,ஆரோக்கியம்,அதிகாரம், கல்வி,ஜனக்கட்டு, அரசுரிமை, முதலான எந்த உலக உடமைகளாலும் போக்கிக்கொள்ள முடியாத துன்பங்கள் இருக்கின்றன. இவைகளில் இருந்து தப்ப வழியில்லையா? என்று வாழ்நாள் முழுவதும் மன அமைதி இழந்து, தவிக்கும் திக்கற்றவர்கள,; கர்ம வினைகளையும் பாவ வினைகளையும், சாப வினைகளையும் செயற்படாமல் செய்து, தன்னைச் சரணடைந்தவர்களின் துன்பங்களை எல்லாம் போக்கி அருளும் ஸ்ரீநீலகண்டனான சிவனை மஹா சிவராத்திரி தினத்தில் நான்கு காலங்களிலும் சிவபஞ்சாட்சர ஜெபம் செய்து நான்கு காலங்களிலும் வழிபடவேண்டும்.

சிவவெருமான் தன் உடலில் சுடலைப் பொடியை பூசியுள்ளார். இது அரசன்,ஆண்டி. ஏழை,பணக்காரன்,உயர்ந்தோர் தாழ்ந்தோர், சண்டாலன், மூடன், ஆகியோர் அனைவரும் இறந்தப்பின் உடலை எரித்த சாம்பலையே தன் உடலில் பூசிய தத்துவம் என்னவென்றால் சாம்பலான நிலையில் வேற்றுமை காண முடியாது. அதையே உடலில் பூசி, வேற்றுமைகள் அகற்றி ஒற்றுமையுடன் என்னை வழிப்பட்டால் என்னருள் கிட்டும் என்பதை சிவன் உணர்த்துகின்றார்.

எமக்கு சித்தர்கள்,மஹரிஷிகள் தெரிவித்த தெளிவின் படி இவ்வுடம்பு என்னும் ஆடையால் மூடப்பட்டிருக்கும் எமது ஆத்மாவானது,பல ஜென்மங்களுக்கு முன் போட்ட மூல விதை. அது இன்று வரைக்கும் முளைத்து வளர்ந்து கொண்டே வரும்.ஆனால் நம் ஊணக்கண்ணால் நம் ஆத்மாவையும், அதன் வளர்ச்சியையும் காணமுடியாது. ஆனால் ஆன்ம ஞானிகள் அதை கண்டுபிடித்து,அதன் வளர்ச்சியை மேலும்,மேலும் கூட்டி,தம்வசப்படுத்தி தமது ஆன்மீக தேவைகளுக்கு பயன்படுத்துவார்கள்.

முக்தி எனப்படும் மனிதனின் இறுதியான நிலை என்பது, அங்கோல மரத்தின் விதைகள் மரத்தில் இருந்து கீழே விழுகின்றன விழுந்ததும், உடனே மரத்தில் சென்று இயல்பாகவே ஒட்டிக்கொள்கின்றது. ஊசியை காந்தம் இழுக்கின்றது, காந்தத்தை அண்டாமல் இருக்க ஊசியால் இருக்க முடிவதில்லை. காந்த சக்தி ஊசியைத் தனது தடுக்க முடியாத சக்தியால் இழுக்கின்றது. அதைப் போலவே நம் ஆத்மா எதனிடத்தில் தொடர்பில் இருந்ததோ அதனிடத்தில் இறுதியாக கலந்து, பின் சிவனுடன் கலக்கும் . அது வரைக்கும் நம்மை தொடரும் உறவுகள்,லௌகிக வாழ்க்கை எல்லாம் நமது பொழுது போக்கு அம்சங்களே.அது நிரந்தரமும் இல்லை. அத்தகைய நிலைக்கு நம்மை பக்கவப்படுத்தி நமக்களிப்பவர் நம் சிவன். கண்களினால் கருணையை காட்டாதவன்,இதயத்தில் அன்பை உணரவும்,உணர்த்தவும் முடியாதவன், சுகபோகமாக வாழ்ந்து கொண்டு நான் பந்த பாசம் அற்றவன் என்று கூறிpக்கொள்பவன், பிறர் துன்பத்தில் பங்கு கொள்ளாதவன், சிவனை நெருங்க முடியாது, சிவனில்லாதவிடத்து சக்தியையும் நெருங்க முடியாது.

சிவனருள் பெறவிரும்பும் அனைவரும் இப்பேருண்மையை உணர்ந்து, வாழவேண்டும். சாதிமத பேதமின்றி, சகலரும் சகோதரர்களாக வாழ்வோமாயின், ஒளிவடிவான சிவன் நம் பாவம் சாபங்களைப்போக்கி, மலங்களையறுத்து, சுத்தமாக்கி, வேற்றுமைகளை களைத்தெரிந்து, நித்தியானந்தம் பெறுவதற்கான ஞானத்தையும் கொடுத்தருள்வார் என்பதில் சந்தேகமேயில்லை. கிடைத்தந்கரிய இம்மானிட உடம்புக்கு, இறைவன் அளித்துள்ள பெரும் கொடை நமது ஆறாவது அறிவு. அதை கொண்டு அன்பையும்,பண்பையும் வளர்த்து உயிர்களிடத்தில் கருணைக்காட்ட வேண்டும். அன்பு என்பது சிவத்தின் தத்துவம்.

பிரதோஷத்துடன் சிவராத்திரி

இவ்வாண்டு சனிப்பிரதோஷத்துடன் இணைந்து வரும் மஹாசிவராத்திரி மிகவும் விஷேடமானது. பிரதோஷ காலமான அன்றைய தினம் மாலை ஐந்து மணி முதல் எமது ஸ்ரீஇலங்காதீஸ்வர ஆலய காயத்திரி பீடத்தில் சாட்சாத் சிவபெருமானினாலேயே மாபெரும் தவயோகிக்கு கிடைக்கப்பெற்ற சுயம்பு லிங்கத்திற்கும், அதனோடு சேர்ந்த 108 பாணலிங்கங்களுக்கும்,பக்தர்களின் கரங்களினாலேயே பால், இளநீர் கொண்டு அபிஷேகம் செய்யவும்,அதனைத் தொடர்ந்து நடைபெறவிருக்கும் மஹா மிருத்ஞஜெய யாகத்தில் ஆகுதி கொடுக்கவும் ஏற்பாடுகள் செய்யப்பட்டுள்ளது. எனவே கிடைத்தற்கரிய இக்கைங்கரியத்தில் நாமனைவரும் பங்கு பற்றுவது நாம் செய்த பூர்வ புண்ணிய தவப்பயனேயாகும். எனவே பக்தர்கள் அனைவரும் இந்நிகழ்வுகளில் பங்கு பற்றி சற்குரு முருகேசு மஹரிஷியினதும், சாட்சாத் சிவபெருமானினதும் பரிபூரண அருளைப் பெறுவோமாக.

மார்பக புற்று நோயை கண்டறிய புதிய டி.என்.ஏ., பரிசோதனை: அமெரிக்க மருத்துவர்கள்

2010-03-14T06:47:00.000+02:00

மனித உடலில் தினந்தோறும் செல்கள் அழிவதும் புதிதாக உருவாவதும் இயற்கையான நிகழ்வுகள். அழியும் செல்களோடு டி.என்.ஏ., க்கள் கசிவதும் உண்டு. இவ்வாறு கசிந்து வரும் டி.என்.ஏ.,க்களை ஆய்வு செய்வதன் மூலம் மார்பக புற்றுநோயை துல்லியமாக கண்டுபிடிக்க முடியும் என்று அமெரிக்காவின் கலிபோர்னியா மாகாணத்தில் சான் ஜோஸ் என்ற இடத்தில் உள்ள குரோனிக்ஸ் பயோ மெடிக்கல் ஆராய்ச்சி நிலையம் நிரூபித்துள்ளது. இந்த பரிசோதனை மூலம் 70 சதவீதம் மார்பக புற்று நோய் இருப்பதையும், இல்லாத நிலையை 100 சதவீதமும் கண்டறிய முடியும்

அக்கரைப்பற்றில் இடம்பெற்ற வாகன விபத்தில் ஒரே குடும்பத்தைச் சேர்ந்த 08பேர் காயம்

2010-02-08T20:25:00.000+02:00

சாகமம் கோளாவில் பிரதேசத்தில் இடம்பெற்ற வாகன விபத்தில் ஒரே குடும்பத்தைச் சேர்ந்த 08பேர் காயமடைந்துள்ளனர். இந்த விபத்து நேற்று இடம்பெற்றுள்ளதாக அக்கரைப்பற்று பொலீசார் தெரிவித்துள்ளனர். குறித்த வீதியில் பயணித்துக் கொண்டிருந்த ட்ரக்டர் ஒன்றும் முச்சக்கர வண்டியொன்றும் நேருக்கு நேர் மோதியதில் இந்த விபத்து இடம்பெற்றதாகவும் அக்கரைப்பற்று பொலீசார் தெரிவித்துள்ளனர். இதன்போது முச்சக்கரவண்டியில் பயணித்தவர்களே படுகாயமடைந்து அக்கரைப்பற்று வைத்தியசாலையில் அனுமதிக்கப்பட்டுள்ளதாக பொலீசார் தெரிவித்துள்ளனர். இவர்களில் மூவர் மேலதிக சிகிச்சைகளுக்காக மட்டக்களப்பு வைத்தியசாலைக்கு மாற்றப்பட்டுள்ளதாக பின்னர் தெரிவிக்கப்பட்டுள்ளது. இந்த விபத்து தொடர்பிலான மேலதிக விசாரணைகளை அக்கரைப்பற்று பொலீசார் மேற்கொண்டு வருகின்றனர்

தம்பிலுவில் உருவான வரலாறு...

2010-02-08T17:40:00.000+02:00

மட்டக்கிளப்பின் வெருகல் ஆற்றுக்குக் கிழக்கே உள்ள துறைமுகத்தில் மதுரையிலிருந்து செண்பகநாச்சியம்மன் , பத்திரகாளியம்மன் , கண்ணகியம்மன் சிலைகளைக் கொண்டு வந்ததாகவும் அதில் கண்ணகியம்மன் சிலையை மட்டக்கிளப்புக்கு தெற்கேயுள்ள ஊர் ஒன்றில் பிரதிஷ்டை செய்து வழிபட்டதாக வரலாற்றுச் செய்தியுண்டு. கி.பி 2ம் நு¡ற்றாண்டில் மதுரையிலிருந்து கொண்டுவரப்பட்ட செண்பகச்செல்வி என்ற கண்ணகி விக்கிரகம் தம்பிலுவில்லைச் சேர்ந்த ஊராக்க என்ற இடத்தில் ஆலயம் அமைத்து பிரதிஷ்டைசெய்து வழிபடப்பட்டது. பெளத்த சிங்கள அரசர்களினதும் , தமிழ் அரசர்கள், சிற்றரசர்களினதும் ஆதரவில் கி.பி 2ம் நு¡ற்றாண்டு தொடக்கம் 12ம் நு¡ற்றாண்டு வரை கண்ணகி வழிபாடு செழித்து வளர்ந்தது.

திருக்கோயில் சித்திரவேலாயுதர் ஆலயத்தில் அர்ச்சகர்களாக பணிபுரிய வீரசைவககுருமார்கள் அக்காலத்தில் வரவழைக்கப்பட்டனர். இவர்கள் தம் பட்டர் என வாழ்த்தி குடியேற்றி அவ்வூருக்கு தம்பட்டை என நாமம் சூட்டப்பட்டது. மேலும் இவர்களது வழிபாட்டுக்காக மல்லிகார்ச்சுன புரத்திலிருந்து கணேஷ விக்கிரகம் ஒன்று பெறப்பட்டு பிரதிஷ்டை செய்யப்பட்டதாகவும் மேலும் மேகவண்ணன் தனது தாயார் தம்பதிநள்ளாள் பெயரில் வாவியொன்றையும் வெட்டுவித்து அவ்வாவிக்கு தம்பதிவில் எனப்பெயர் இட்டான். வில் என்ற சொல் வில்லைப் போன்ற குளத்தைக் குறிக்கும்.

மழைபொழிய வேண்டி கொம்பு விளையாடல் என்ற வழிபாட்டின் மூலம் கண்ணகியம்மனை வழிபடுவார்கள். தம்பிலுவில கண்ணகியம்மன் கோயிலில் இவ்விளையாட்டுக்கு முக்கியத்துவம் கொடுக்கப்பட்டுகிறது. பொதுவாக கண்ணகி கோயிற்கதவுகள் ஆண்டுக்கொரு முறை திறக்கப்பட்டு பதத்தி என்ற முறைப்படி 10 நாட்கள் வரை பூஜஜகள் செய்யப்பட்டு பின் கதவுகள் மூடப்படும். மக்கள்பெருதளவில் கூடி பயபக்தியுடன் வணங்குவர். கள்ளங்குடா, ஆரையம்பதி, செட்டிப்பாளையம், களுவாஞ்சிக்குடி, துறைநீலாவணை ஆகிய இடங்களில் உள்ள கண்ணகி கோயில்களில் நடைபெறும் வழிபாட்டு முறைகள், சடங்குகள், சம்பிரதாயங்களில் வேறுபாடுகளுண்டு.

தம்பிலுவில் கண்ணகி அம்மன் கோயில்

கி.மு 5ம் நு¡ற்றாண்டில், விஜயன் காலத்தில் திருக்கோவில் தம்பிலுவில் பிரதேசத்தில் வாழ்ந்தவர்கள் ஆதித்திராவிடர்களான நாகர் குடி மக்கள். கி,மு 600ம் நு¡ற்றாண் டில் இப்பிரதேசம் நாகர் முனை எனப்பெயர் பெற்றதாக மட்டகிளப்பு மானமீயத்தில் குறிப்பிடப்பட்டுள்ளது. கி.மு 1ம் 2ம் நூற்றாண்டில் திருக்கோயில் துறைமுகம் பிரபல்யமடைந்திருந்தது.

இத்துறையினூடாக தமிழ்நாட்டின் கிழக்குக் கரையிலிருந்த காவிரிப்பூம்பட்டணத்துடன் வர்த்தகத் தொடர்பு இருந்ததாக ‘கண்ணகி வழக்குரை' என்ற கிராமீய இலக்கியம் குறிப்பிட்டுள்ளது

இது போன்ற ஆக்கங்களை எம்க்கு அனுப்புமாறு கேட்டுகொள்கிறோம்

தமிழ்க் கூடட்மைப்பு(TNA) பாராளுமன்ற உறுப்பினர் சந்திரநேரு சந்திரகாந்தன் திருக்கோவிலில் துப்பாக்கிச்சூட்டில் காயம்

2010-01-17T21:19:00.000+02:00

தமிழ்த் தேசியக் கூட்டமைப்பின் அம்பாறை மாவட்ட எம்.பி சந்திரநேரு சந்திரகாந்தனின் கைத்துப்பாக்கி தவறுதலாக வெடித்தமையால் காயமடைந்துள்ளார். இச்சம்பவம் இன்றுபிற்பகல் 3.30மணியளவில் இடம்பெற்றதாக திருக்கோவில் பொலீசார் தெரிவித்துள்ளனர்.

திருக்கோவில் பிரதேசத்திலுள்ள தனது இல்லத்தில் கட்சி ஆதரவாளர்களுடன் கலந்துரையாடிக் கொண்டிருக்கும் வேளையிலேயே இந்த சம்பவம் இடம்பெற்றதாகவும் பொலீசார் குறிப்பிட்டுள்ளன

இதன்போது காலில் காயமடைந்த பாராளுமன்ற உறுப்பினர் சந்திரநேரு சந்திரகாந்தன் தற்போது அக்கரைப்பற்று வைத்தியசாலையில் அனுமதிக்கப்பட்டு சிகிச்சைபெற்று வருவதாக கூறப்படுகின்றது.
இச்சம்பவம் தொடர்பிலான மேலதிக விசாரணைகளை திருக்கோவில் பொலீசார் மேற்கொண்டு வருகின்றனர்

திருக்கோவில் முருகன் ஆலயத்தில் ஜனாதிபதி!

2010-01-16T18:13:00.000+02:00

வீரகேசரி இணையம் 1/16/2010 4:16:53 PM - ஜனாதிபதி மகிந்த ராஜபக்ஷ திருக்கோவில் முருகன் ஆலயத்ததுக்கு விஜயம் செய்தார். பொங்கல் திருவிழாவையொட்டி நடந்த வழிபாடுகளில் அவர் கலந்து கொண்டார்.

அதனைத் தொடர்ந்து ஏற்பாடு செய்யப்பட்டிருந்த ஒன்றுகூடலிலும் ஜனாதிபதி கலந்து கொண்டார்.

இதன்போது அமைச்சர்கள் விநாயகமூர்த்தி முரளீதரன், பேரியல் அஷ்ரப் ஆகியோரும் அங்கு பிரசன்னமாகியிருந்தனர்.

Happy New Year 2010

2010-01-01T18:31:00.000+02:00

R.Sayan
Samuel Goldwyn - "I'm willing to admit that I may not always be right, but I am never wrong."

தொடரும் அடை மழையினால் பெரும் பாதிப்பு

2009-12-27T04:08:00.000+02:00

இம் மாதம் , எமது பிரதேசங்களில் , தொடர்ந்து அடைமழையினால் தம்பிலுவில் திருக்கோவில் பிரதேசங்கள் முற்றாக பாதிக்கபடுள்ளன

சில படங்கள்

Pic - S.Janakan

Thanks

எமது பிரதேசத்தில் தொடர்ந்து மழை

2009-12-10T04:51:00.000+02:00

தம்பிலுவில் பெரியமுகத்துவார

பாதையானது (A4 பாதை) பருவகால மழை காரணமாக வழமைபோல் பாலத்தின் மேலாக நீர் வடிந்து கடலைச் சென்றடைவதைக் காணலாம். (இப் பாலத்தின் புனர் நிர்மாணப் பணிகளின் ஆரம்ப நடவடிக்கைகள் மேற்கொள்ளப்பட்டு வருகின்றது).